Pressline.az: Cənab Prezident İlham Əliyevin tapşırıqlarına əsasən “Azərişıq” ASC ölkənin bütün regionlarında olduğu kimi Xaçmazın da elektrik təsərrüfatının yenilənməsi işlərini davam etdirir. Yenidənqurma işləri rayonun 20-dək kənd və qəsəbəsini əhatə edib. 

Keymərəz kəndində 0.4 və 10 kV-luq elektrik xətləri və dayaqlar yenilənib, Özünüdaşıyan İzolyasiyalı Naqillər çəkilib, yeni Transformator Məntəqəsi (TM) quraşdırılıb. Həmçinin Gödəkli, Bayoba, Köhnə Xaçmaz və Niyazoba kəndlərində elektrik təsərrüfatı yenilənir. Xaçmaz Rayon İcra Hakimiyyətinin başçısı Elnur Rzayev Köhnə Xaçmaz və Niyazoba kəndlərinə gələrək “Azərişıq” ASC-nin həyata keçirdiyi yenidənqurma işləri ilə yerində tanış olub. 

Şəhər ərazisində Sabit Rəhman küçəsində və ətraf ərazilərdə elektrik şəbəkəsi yenidən qurulur. Bu ilin sonunadək Şıxlar, Çaykənarı, Hacılar, Çaxmaqlı, Qaraçı, Əbilyataq, Nərəcan, Xanlıqoba, Xaspoladoba və Qarabağlı kəndlərinin də elektrik şəbəkəsinin tamamilə yenilənməsi planlaşdırılır.

“Azərişıq” ASC Xaçmazla yanaşı ölkənin bütün regionlarında, eləcə də işğaldan azad olunmuş Qarabağ və Şərqi Zəngəzurda əsaslı təmir, yenidənqurma işlərini davam etdirir. Görülən işlər abonentlərin fasiləsiz və keyfiyyətli elektrik enerjisi ilə təmin olunması, elektrik enerjisi itkilərinin minimuma endirilməsinə hesablanıb.

26 İyun Azərbaycanda Silahlı Qüvvələr Günü kimi qeyd olunur. Son illər ölkənin hərbi və təhlükəsizlik sistemində qadınların sayı da artmaqdadır. Onlar yalnız tibb və inzibati sahələrdə deyil, zabit, gizir, dövlət qulluqçusu, polis əməkdaşı və rəhbər vəzifələrdə də fəaliyyət göstərirlər.

Ədliyyə Nazirliyinin Penitensiar xidmətinin cəzaçəkmə müəssisələrində bu ilin beş ayı (yanvar-may) ərzində 31 nikah qeydə alınıb.

Pressline.az xəbər verir ki, bu barədə "Report"a nazirlikdən məlumat verilib.

Bununla yanaşı, 1 yanvar 2025-ci il tarixindən 1 iyun 2026-cı il tarixinədək Ədliyyə Nazirliyinin Penitensiar xidmətinin 4 saylı cəzaçəkmə müəssisəsində 6 doğum qeydə alınıb.

Həmçinin bildirilib ki, ötən il ərzində isə cəzaçəkmə müəssisələrində 113 nikah qeydə alınıb.

Bakı Şəhər Dövlət Yol Polisi İdarəsi iyunun 26-da Azərbaycan Respublikasının Silahlı Qüvvələrinin yaradılmasının 108-ci ildönümü ilə əlaqədar Bakı şəhərinin mərkəzi küçə və prospektlərində hərbi orkestrlərin müşayiəti ilə təşkil olunacaq yürüşlərlə bağlı məlumat yayıb.

Pressline.az xəbər verir ki, hərbi qulluqçular iyunun 26-da saat 10:00-dan 12:00-dək aşağıdakı marşrutlar üzrə yürüş edəcəklər:

I yürüş marşrutu: Heydər Əliyev Sarayı - Bülbül prospekti - Nizami Kino Mərkəzi - Neftçilər prospekti - Azadlıq meydanı – Dəniz Vağzalı;

II yürüş marşrutu: Şəhidlər Xiyabanı – “Alov Qüllələri” Kompleksi – Çəmbərəkənd parkı - “İçərişəhər” metrostansiyası - Qala qapısı - Azərbaycan Dövlət Kukla teatrı - Azneft dairəsi - Bəhram Gur heykəli;

III yürüş marşrutu: Q.Musabəyov parkı - Əbdürrəhim bəy Haqverdiyev küçəsi - Hüseyn Cavid prospekti - Hüseyn Cavid parkı - Parlament prospekti - Şəhidlər Xiyabanı;

IV yürüş marşrutu: “Olimpik Star” İdman və Əyləncə Mərkəzi - Səməd Vurğun küçəsi - Zabitlər parkı - Bakı Dövlət Sirki - Heydər Əliyev Sarayı - İmadəddin Nəsimi heykəli - Neftçilər prospekti;

V yürüş marşrutu: Nəriman Nərimanov heykəli - Mərkəzi Park - Azərbaycan Dövlət Akademik Milli Dram Teatrı - Qış parkı - Heydər Əliyev sarayı - Azərbaycan Respublikasının Mərkəzi Bankı - 28 Mall Ticarət Mərkəzi;

"Sürücülərdən və digər yol hərəkəti iştirakçılarından göstərilən tarixdə hərəkətlərini əvvəlcədən planlaşdırmaları, qeyd olunan istiqamətlər üzrə mümkün sıxlığı nəzərə almaları və alternativ yollardan istifadə etmələri xahiş olunur", - DYP-dən bildirilib.

Pressline.az: Bu barədə Teleqraf-a Avtomobil Yolları Dövlət Agentliyindən (AAYDA) məlumat verilib.

Bildirilib ki, aparılan işlərlə əlaqədar qeyd olunan ərazidə nəqliyyat vasitələrinin hərəkəti görülən işlərin gedişindən asılı olaraq qismən və ya tam məhdudlaşdırılacaq.

Qeyd olunub ki, məhdudiyyət təmir işləri başa çatanadək qüvvədə qalacaq.

Fövqəladə Hallar Nazirliyinin (FHN) Dövlət Yanğın Nəzarəti Xidməti yanğın təhlükəli obyektdə yoxlama aparıb.

Pressline.az qafqazinfo-ya istinadən xəbər verir ki, qurumun apardığı yoxlamaların nəticəsində paytaxtın Azadlıq prospekti 231 ünvanında yerləşən “By Fateh” restoranının fəaliyyəti dayandırılıb. Restoranın qapısı möhürlənib.

Qeyd edək ki, meyxanaçı və müğənni Aqşin Fatehə məxsus olan “By Fateh” restoranlar şəbəkəsində indiyə qədər bir neçə ciddi neqativ hal və qanun pozuntusu qeydə alınıb. Bu hadisələr rəsmi qurumların yoxlamaları və məhkəmə işləri ilə nəticələnib.

2026-cı ilin əvvəlində restoranda müştərilərə saxta alkoqollu içkilərin satıldığı aşkarlanıb.Nəticə: Azərbaycan Qida Təhlükəsizliyi Agentliyi (AQTA) və müvafiq qurumlar tərəfindən obyekt rəhbərliyi barəsində inzibati xəta haqqında protokol tərtib edilib. Tələblərə cavab verməyən məhsulların dövriyyəsinə qadağa qoyulub və məhdudlaşdırıcı qərarlar çıxarılıb.

Aqşin Fateh və onun biznes şəriki Füzuli Alıyev arasında restorandakı pay və əşyaların bölünməsi üstündən ciddi münaqişə yaranmışdı. Şəriklərin tərəfdarları arasında məkanda kütləvi dava baş verib, xəsarət alanlar olub. Hətta ifaçı özü də davanı aralamağa çalışarkən əlinin/barmağının sındığını etiraf edib. Hadisə ilə bağlı hüquq-mühafizə orqanları tərəfindən cinayət işi açılıb və məsələ məhkəmə müstəvisinə qədər uzanıb.

"2030-cu ilə qədər 10 yeni metro stansiyasının inşası nəzərdə tutulur. Onlardan birinin tikintisinə artıq başlanılıb. Bu, şərti olaraq "B-04" adlandırılan, keçmiş "Semaşko" xəstəxanasının arxasında yerləşən stansiyadır".

Pressline.az Axar.az-a istinadən xəbər verir ki, bunu Bakı Metropoliteni QSC-nin mətbuat katibi Bəxtiyar Məmmədov "Yol hərəkəti təhlükəsizliyi: hüquq və vəzifələr" və "Müasir şəhərsalmada piyada təhlükəsizliyi" layihələri çərçivəsində keçirilən ictimai müzakirədə deyib:

"Həmin stansiyada da yeni prinsiplər tətbiq olunacaq. Artıq texniki təchizat işlərinə başlanılıb. Səviyyələrarası keçidlər üçün eskalatorlar, liftlər və xüsusi təyinatlı pilləkənlər quraşdırılacaq. Bütün bunlar normativ tələblərə uyğun şəkildə təmin olunur və maksimum dərəcədə müasir standartlara əsaslanır.

Hazırda daha 9 stansiyanın layihəsi üzərində iş gedir. Beynəlxalq ekspertlər və beynəlxalq standartların tələbləri ilə mövcud Azərbaycan standartları, eləcə də sovet dövründən qalan normalar arasında müəyyən ziddiyyətlər müşahidə olunur. Hesab edirəm ki, standartlarımız yenidən işlənməlidir. Bu gün piyadaların qarşılaşdığı problemlərin əksəriyyətinin kökündə məhz standartlar və infrastruktur dayanır.

Beş stansiya bənövşəyi xətt üzrə, dörd stansiya isə yaşıl xətt üzrə olmaqla, gələn ildən tikinti işlərinə başlanılması nəzərdə tutulur".

“AFB Bank” ASC-nin Mərkəz filialının sabiq müdiri Nail Həsənov cinayət məsuliyyətinə cəlb edilib.

Pressline.az xəbər verir ki, eks-filial müdiri külli miqdarda rüşvət almaqda ittiham olunur.

Nail Həsənov müştərilərdən birinə maliyyə vəziyyəti nəzərə alınmadan 80 min manat kredit verilməsini təşkil edib. Bunun müqabilində isə 12 min manat “otkat” alıb. Bu əməlinə görə Nail barəsində əvvəl həbs qətimkan tədbiri seçilib, sonradan ev dustaqlığına buraxılıb.

Hazırda cinayət işi üzrə ilkin istintaq tamamlanıb, yaxında məhkəmə başlayacaq./bizimesr.com 

26 İyun – Silahlı Qüvvələr Günü ilə əlaqədar "Bakı Metropliteni" QSC-nin qatarlarında hərəkət qrafiki dəyişdiriləcək.

Pressline.az bildirir ki, bu barədə "manset.az"-a səhmdar cəmiyyətindən bildirilib.

Məlumata əsasən, "28 May-Əhmədli" sahəsində və əksinə olmaqla pik saatlarda qatarlararası interval 2 dəqiqə 30 saniyə təşkil edəcək.

"Zərurət yaranacağı təqdirdə ehtiyat qatarlar xəttə buraxılacaq. Bununla bağlı stansiyalarda ümumi nəzarəti təmin etmək üçün növbətçilik cədvəli əsasında işçi qüvvəsi də ayrılıb. Həmçinin qatarlar "Bakmil" stansiyasına və geri şənbə günü, Bənövşəyi xətdə və "Əhmədli-Həzi Aslanov" mənzilində isə şənbə-bazar günlərinin qrafiki üzrə hərəkət edəcək", -"Bakı Metropliteni" QSC-dən bildirilib.

İtaliyada qadın və kişilər üçün ayrı hissələrdən ibarət çimərlikdə baş verən insident müzakirələrə səbəb olub.

Triest şəhərində yerləşən və yerli sakinlərin "Pedoçin" adlandırdığı "Banyo-Marino-La-Lanterna" çimərliyində Milan şəhərindən gələn turist qadın mövcud qaydalara məhəl qoymayaraq sevgilisi ilə birlikdə kişilər üçün nəzərdə tutulmuş hissədə istirahət edib.

Buna etiraz edən yerli sakinlərlə mübahisə edən qadın çimərliyin qaydalarını sərt tənqid edərək onların "Orta əsrlərdə yaşadıqlarını" bildirib. Hadisə qısa zamanda gərginləşərək qalmaqala çevrilib.

Qeyd edək ki, Adriatik dənizi sahilində yerləşən bu çimərlik Avropada qadın və kişilərin ayrı-ayrı çimdiyi son rəsmi çimərlik hesab olunur. Sahə beton divarla iki hissəyə bölünüb. Bir tərəfdə qadınlar və uşaqlar, digər tərəfdə isə kişilər istirahət edirlər.

Məlumata görə, turist qadın ona irad bildirən yerli sakinlə mübahisə zamanı təhqiramiz ifadələr işlədib. Sonradan ərazi əməkdaşlarının müdaxiləsi ilə vəziyyət nəzarətə götürülüb və cütlük çimərlikdən uzaqlaşdırılıb.

Hadisə sosial şəbəkələrdə də geniş müzakirələrə səbəb olub. Bir çox istifadəçi turistlərin yerli qaydalara və uzun illərdir qorunan ənənələrə hörmətlə yanaşmalı olduqlarını bildirib.

Yüz ildən artıq tarixə malik olan "Pedoçin" çimərliyi bu gün də Triest sakinləri tərəfindən şəhərin fərqli simvollarından biri kimi qorunub saxlanılır./musavat.com