Venesuelada 7,2 və 7,5 bal gücündə iki güclü zəlzələ baş verib.

Pressline.az xəbər verir ki, bu barədə Venesuela mediası məlumat yayıb.

Məlumata görə, zəlzələ nəticəsində paytaxt Karakas da daxil olmaqla ölkənin bir sıra bölgəsində ciddi dağıntılar qeydə alınıb:

“Karakas yaxınlığındakı “Mayketiya” hava limanı ciddi zədələr səbəbindən fəaliyyətini dayandırıb. Ölkədə internet və rabitə xidmətlərində fasilələr yaranıb, bir sıra bina dağılıb. Ölkədə fövqəladə vəziyyət elan edib.

İlkin hesablamalara əsasən 32 nəfər həlak olub, 700-ə yaxın insan yaralanıb”.

ABŞ Senatı Konqresin müvafiq icazəsi olmadan İrana qarşı hərbi əməliyyatların davam etdirilməsinin dayandırılmasını nəzərdə tutan hərbi səlahiyyətlər haqqında qətnaməni qəbul edib.

Pressline.az xəbər verir ki, bu barədə "NBC News" məlumat yayıb.

Məlumata görə, sənədi 50 senator dəstəkləyib, 48 senator isə əleyhinə səs verib. Qətnamənin lehinə demokrat senatorların demək olar ki, hamısı, həmçinin dörd respublikaçı səs verib.

Qətnaməyə əsasən, ABŞ Prezidenti Donald Tramp Konqres tərəfindən rəsmi müharibə elan edilmədiyi və ya hərbi qüvvədən istifadəyə ayrıca icazə verilmədiyi təqdirdə, ABŞ Silahlı Qüvvələrini İrana qarşı döyüş əməliyyatlarından çıxarmalıdır.

Qeyd olunub ki, bu, ABŞ Senatında hərbi səlahiyyətlərlə bağlı belə bir qətnamənin ilk dəfə səs çoxluğu qazanmasıdır.

Xatırladaq ki, daha əvvəl CNN Strateji və Beynəlxalq Araşdırmalar Mərkəzinə istinadən Pentaqonun İrana qarşı əməliyyatlara ən azı 40 milyard dollar xərclədiyini bildirmişdi.

Litvanın Baş naziri Inga Ruginienė vəzifəsindən istefa verib.

Pressline.az-ın xarici mediaya istinadən məlumatına görə, Ruqinienenin istefasından sonra Litva qanunvericiliyinə uyğun olaraq yeni hökumətin formalaşdırılması prosesi rəsmən başlayacaq.

Baş nazirin istefa qərarı Litva parlamentinin iclasında müzakirəyə çıxarılıb və nazirlər tərəfindən yekdilliklə dəstəklənib.

İstefadan sonra ölkədə yeni hökumətin tərkibinin müəyyənləşdirilməsi və təsdiqlənməsi ilə bağlı siyasi prosedurların həyata keçiriləcəyi gözlənilir.

Moskvanın bütün əsas hava limanlarında təyyarələrin qəbulu və yola salınmasına müvəqqəti məhdudiyyətlər tətbiq olunub.

Pressline.az xəbər verir ki, bu barədə Rusiyanın Federal Hava Nəqliyyatı Agentliyi ("Rosaviasiya") məlumat yayıb.

Bildirilib ki, məhdudiyyətlər paytaxtın Vnukovo, Domodedovo, Jukovski və Şeremetyevo hava limanlarını əhatə edir.

Qurumun açıqlamasına əsasən, tətbiq edilən tədbirlər uçuşların təhlükəsizliyinin təmin olunması məqsədi daşıyır./milli.az

Böyük Britaniyanın Baş naziri Kir Starmer istefa vermək qərarına gəlib. 

Pressline.az xarici mediaya istinadən xəbər verir ki, o, yeni Baş nazir seçilənə qədər vəzifəsini icra etmək niyyətindədir.

Bununla yanaşı, o Britaniya Kralı III Çarlzı Leyboristlər partiyasının rəhbəri postundan getməsi barədə məlumatlandırıb.

Krım sakinlərinə kondisionerləri və lazımsız elektrik cihazlarını söndürmək tövsiyə olunub.

Pressline.az: Bunu Krımın rəhbərinin müşaviri Oleq Kryuçkov deyib.

Kryuçkov elektrik şəbəkəsindəki fövqəladə vəziyyətlə bağlı Krım sakinlərini elektrik enerjisi istehlakını məhdudlaşdırmağa çağırıb.

Teleqram kanallarının məlumatına görə, artıq bütün Krım ərazisində içməli suyun verilməsi dayandırılıb.

Qeyd edəki, Ukrayna ordusunun hücumları səbəbindən Krıma benzin tədarükü dayandırılıb.

Qətərin Ras Laffan şəhərindəki zavodda partlayış baş verib.

Pressline.az xəbər verir ki. bu barədə Qətərin Daxili İşlər Nazirliyinin məlumat yayıb.

Nazirliyin məlumatına görə, hadisə nəticəsində heç kim xəsarət almayıb. Təhlükəli maddə sızması aşkar edilməyib.

Bundan başqa, paytaxt Dohada da partlayış səsləri eşidilir. 

ABŞ administrasiyası İsveçrədə ABŞ və İran arasında keçirilən danışıqların gedişindən bütün tərəflərin razı qaldığını hesab edir.

Pressline.az xəbər verir ki, bu barədə "Axios" portalı amerikalı diplomatik mənbəyə istinadən məlumat yayıb.

Mənbənin sözlərinə görə, danışıqların bütün dörd iştirakçısı görüşün nəticələrindən məmnun qalıb.

"Görünür, bütün dörd tərəf bugünkü danışıqların gedişindən razıdır. Vasitəçilər hər iki tərəfə mövcud məsələlərin həllində kömək edirlər. Hesab edirik ki, danışıqların ilkin mərhələsi gələcəkdə etimadın formalaşdırılması üçün zəmin yaradır", – diplomatik mənbə bildirib.

Qeyd edək ki, iyunun 21-də İsveçrənin Bürgenştok qəsəbəsində ABŞ və İran arasında danışıqlar keçirilib. Görüşə Qətər və Pakistan vasitəçilik edib.

Böyük Britaniya Ukrayna üçün öz istehsalı olan, ABŞ komponentlərindən asılı olmayan və nisbətən ucuz uzaqmənzilli raket sistemləri hazırlayır.

Pressline.az xəbər verir ki, bu barədə "Blumberq" məlumat yayıb.

Bildirilib ki, Böyük Britaniyanın Müdafiə Nazirliyinin dəstəyi ilə hazırlanmış üç sistem yaxın aylarda həm Böyük Britaniyada, həm də Ukraynada sınaqdan keçiriləcək.

Britaniyalı rəsmilər silahların bir il ərzində Ukrayna cəbhəsinə çatdırılmasının mümkün olduğunu bildiriblər.

Məlumata əsasən, yeni Britaniya raket sistemləri ən azı 225 kiloqramlıq döyüş başlığı ilə təchiz olunacaq və 500 kilometrdən artıq məsafədəki hədəfləri vurmaq imkanına malik olacaq.