Azərbaycanda cari ilin yanvar-may ayları ərzində 19,4 min şəxsə əlillik təyin edilib.

Pressline.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.

Onlardan 8,6 min şəxsə ilkin, 10,8 min şəxsə isə təkrar əlillik təyinatı aparılıb.

Bakıda həyata keçirilən yenidənqurma və şəhərsalma layihələri çərçivəsində bir sıra ərazilərdə söküntü və abadlaşdırma işlərinin aparılması nəzərdə tutulur.

Pressline.az Baku.ws-ə istinadən xəbər verir ki, proses Bakı Şəhərinin 2040-cı ilədək Baş Planına uyğun şəkildə həyata keçirilir.

Hazırda hansı razilərdə söküntü işlərinin aparılması planlaşdırılır? 

Azərbaycan Qiymətləndiricilər Cəmiyyətinin (AQC) sədri Vüqar Oruc bildirib ki, ilkin mərhələdə Heydər Əliyev prospekti ilə Ziya Bünyadov prospektinin kəsişməsində yerləşən tikinti materialları bazarının və ətrafdakı kommersiya obyektlərinin sökülməsi gündəmdədir: "Bundan başqa, Yasamal, Nərimanov, Nəsimi, Xətai, Sabunçu, Suraxanı və Binəqədi rayonlarında köhnə yaşayış fondunun yenilənməsi istiqamətində layihələr nəzərdən keçirilir.

Bayıl qəsəbəsi istiqamətində, Mərkəzi Parkın genişləndirilməsi ətrafında, eləcə də "Təzəpir” məscidi yaxınlığında müəyyən ərazilərdə yenidənqurma işlərinə başlanılıb. Zərgərpalan küçəsi və ətraf hissələrdə də abadlıq və infrastruktur layihələrinin icrası planlaşdırılır.

Şəhərin mərkəzində həyata keçirilməsi nəzərdə tutulan layihələrdən biri də Qış Parkının genişləndirilməsi və onun Nizami küçəsi ilə əlaqələndirilməsidir. Layihə çərçivəsində yeni piyada keçidləri və ictimai məkanların yaradılması nəzərdə tutulur.

Bundan əlavə, Ceyhun Hacıbəyli küçəsində, vətəndaşların "Semaşko” kimi tanıdığı 1 saylı Kliniki Tibbi Mərkəzin ətrafında tramvay xəttinin yaradılması ilə bağlı infrastruktur işlərinin aparılması planlaşdırılır".

AQC sədri kompensasiya məsələsi ilə bağlı qeyd edib ki, əvvəllər bir sıra ərazilərdə hər kvadratmetr üçün 1500 manat məbləğində ödəniş tətbiq edilirdisə, hazırda bəzi layihələr üzrə bu rəqəmin 2700 manata qədər yüksəlib: "Bununla belə, vahid məbləğin müəyyənləşdirilməsi əvəzinə hər bir əmlak üzrə ayrıca qiymətləndirmə aparılması daha ədalətli yanaşma olardı.

Söküntüyə məruz qalan vətəndaşlara elə kompensasiya ödənilməlidir ki, onlar yaşadıqları əraziyə yaxın zonalarda yeni mənzil əldə edə bilsinlər. Bu, insanların şəhərin mərkəzi hissələrindən uzaqlaşmasının qarşısını almaqla yanaşı, sosial və iqtisadi tarazlığın qorunmasına da xidmət edər”.

Çində kvant kompüterləri üçün dünyanın ilk ultra-sürətli yaddaş sistemi hazırlanıb.

Pressline.az xəbər verir ki, bu barədə “South China Morning Post” məlumat yayıb.

Bildirilib ki, yeni texnologiya kvant hesablama zamanı məlumatların oxunması ilə bağlı əsas problemi həll etməyə yönəlib.

Mütəxəssislərin bildirdiyinə görə, kvant kompüterlərinin yüksək sürətlə işləməsi üçün klassik məlumatlara tez və effektiv çıxış vacibdir. Bu çıxış olmadan hətta ən güclü sistemlər belə böyük məlumat həcmində yavaşlaya bilər.

“Zhejiang” universitetinin alimləri tərəfindən hazırlanmış kvant operativ yaddaş kvant kompüterlərinin hesablama prosesini sürətləndirən əsas elementlərdən biri hesab olunur.

Məlumata görə, yeni inkişafın gələcəkdə dərmanların hazırlanması, eləcə də maliyyə sahəsində saxtakarlıqların aşkarlanması kimi sahələrə ciddi təsir göstərəcəyi gözlənilir./publika

Pressline.az bildirir ki,Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Mürsəl İbrahimov iyunun 5-də Xidmətin Ağsu rayon şöbəsinin inzibati binasında Ağsu, İsmayıllı, Şamaxı, Qobustan şəhər və rayonlarında olan vətəndaşları qəbul edib.

Qəbuldan əvvəl ümummilli lider Heydər Əliyevin abidəsi ziyarət edilərək önünə gül dəstəsi qoyulub, əziz xatirəsi ehtiramla yad edilib. 

Qəbulda 6 şəhid ailəsi və 1 müharibə iştirakçısı olmaqla 19 vətəndaşın müraciəti dinlənilib. Vətəndaşlar Dövlət Xidmətində həqiqi hərbi xidmətə və ya işə qəbul, tibbi şəhadətləndirmə, veteranlıq və s. məsələlərlə bağlı müraciət ediblər.

Xidmət rəisi qəbul zamanı hər bir vətəndaşın müraciətini dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.

Vətəndaşların müraciətlərinin bir qismi yerindəcə həllini tapıb, bəzi məsələlər isə araşdırılması üçün nəzarətə götürülüb. Dövlət Xidmətinin səlahiyyətlərinə aid olmayan müraciətlər aidiyyəti qurumlara yönəldilib.

Böyük Səhrada aşkar edilən nadir meteorit təxminən 4,5 milyard il əvvəl Günəş sisteminin yaranma dövrünə dair mühüm sirri üzə çıxarıb.

Pressline.az-ın məlumatına görə, alimlər bildirirlər ki, bu kosmik qaya milyardlarla il əvvəl mövcud olmuş, lakin sonradan tamamilə yoxa çıxmış ay və ya Mars ölçüsündə qədim bir planetin ilk qəti sübutunu təqdim edir.

Təxminən yarım kiloqram ağırlığında olan və “NWA 12774” adı verilən meteoritin tədqiqi göstərib ki, onun mənşəyi Günəş sisteminin formalaşmasından cəmi bir neçə milyon il sonraya təsadüf edir. Araşdırma nəticələri həmin dövrdə mövcud olmuş bəzi səma cisimlərinin planetlərin təkamülündə indiyədək məlum olmayan fərqli inkişaf yolu keçdiyini ortaya qoyub.

Meteorit “angrit” adlanan son dərəcə nadir qrupun nümayəndəsidir. Bugünədək dünyada 80 mindən çox meteorit qeydə alınsa da, onların arasında cəmi 68 angrit nümunəsi aşkar edilib. Bu daşlar Günəş sisteminin ən qədim vulkanik süxurları hesab olunur.

Tədqiqatçılar meteoritin tərkibində alüminiumla zəngin kristallar aşkar ediblər. Aparılan analizlər bu kristalların yalnız çox yüksək təzyiq şəraitində formalaşa biləcəyini göstərib. Laboratoriya simulyasiyalarına əsasən, həmin mineralların yaranması üçün Yer kürəsinin ən dərin nöqtəsi olan Marian çökəkliyindəki təzyiqdən 17 dəfə artıq təzyiq tələb olunur.

Alimlər qeyd edirlər ki, belə şərait kiçik asteroidlərdə yarana bilməz. Bu isə meteoritin daha böyük bir səma cisminin parçası olduğunu göstərir. Hesablamalara görə, həmin cismin ölçüləri ən azı Ay qədər, hətta Mars ölçüsündə ola bilərdi.

Bildirilir ki, sözügedən qədim planet Günəş sisteminin ilk dövrlərində baş verən güclü toqquşmalar nəticəsində məhv olub. Onun qalıqları isə zamanla digər qayalı planetlərin, o cümlədən Yerin formalaşmasında rol oynayıb.

Tədqiqat müəllifləri vurğulayırlar ki, dünyanın müxtəlif laboratoriyalarında araşdırılmağı gözləyən çoxsaylı meteorit nümunələri mövcuddur. Gələcək tədqiqatlar Günəş sisteminin erkən tarixində mövcud olmuş digər itmiş protoplanetlərin də aşkarlanmasına imkan yarada bilər./qafqazinfo.az

Martın 2-dən etibarən İsrailin Livana endirdiyi zərbələr nəticəsində ölənlərin sayı artaraq 3 526 nəfərə çatıb.

Pressline.az "publika"ya istinadən xəbər verir ki, bu barədə Livanın Səhiyyə Nazirliyi "X" sosial şəbəkəsində məlumat yayıb.

"Həmin dövr ərzində yaralananların sayı isə 10 733 nəfərdir", - nazirlikdən qeyd edilib.

Xatırladaq ki, fevralın 28-də ABŞ və İsrail İrana qarşı hərbi əməliyyata başlayıb və bir sıra şəhərlərə zərbələr endiriblər. Əməliyyat Yaxın Şərqdə eskalasiyaya və Fars körfəzi ölkələrinin münaqişəyə cəlb edilməsinə, eləcə də Hörmüz boğazının bloklanmasına səbəb olub.

Livanın "Hizbullah" radikal qruplaşması İsraili raketlər və pilotsuz uçuş aparatları ilə atəşə tutaraq İranın tərəfində müharibəyə qoşulduqdan sonra, İsrail Müdafiə Ordusu Livanın cənubuna və qruplaşmanın infrastrukturunun yerləşdiyi Beyrutun cənub ətraflarına zərbələr endirib. İsrail həmçinin Livanın cənubunda quru əməliyyatını genişləndirib.

ABŞ Prezidenti Donald Tramp aprelin 16-da bildirib ki, İsrail və Livan Şərq vaxtı ilə saat 17:00-dan etibarən 10 günlük atəşkəs rejiminin tətbiqi barədə razılığa gəliblər. Aprelin 24-də o, atəşkəsin üç həftə uzadılacağını bəyan edib.

Mayın ortalarında ABŞ Dövlət Departamentinin mətbuat katibi Tommi Piqott "X" sosial şəbəkəsində yazıb ki, Livan və İsrail arasında atəşkəs rejimi 45 gün uzadılacaq.

İyunun 4-də ABŞ Dövlət Departamenti bildirib ki, İsrail və Livan 2-3 iyunda Vaşinqtonda keçirilən danışıqların nəticələrinə əsasən, atəşkəs rejiminin şərtlərinin yerinə yetirilməsi barədə razılığa gəliblər.

Dəmir yolları tətil və məzuniyyətlər mövsümü yayda daha sıx qrafiklə fəaliyyət göstərəcək.

Teleqraf xəbər verir ki, bu barədə ADY məlumat yayıb.

Bildirilib ki, artıq Bak-Ağstafa-Bakı marşrutu üzrə səfərlər 13 iyundan başlayaraq 31 avqusta qədər hər şənbə və bazar təşkil olunacaq.

Sözügedən reyslərə biletləri 10 faiz endirimlə dəmiryol kassalarından, ADY-nin rəsmi saytından və ya “ADY Mobile” tətbiqindən əldə edə bilərsiniz.

Qeyd edək ki, bu istiqamətlər üzrə Bakı–Qazax–Bakı marşrutu ilə də gündəlik səfərlər təşkil olunur. 

“SpaceX” tarixdə ən böyük ilkin kütləvi səhm təklifi (IPO) üçün hazırlıqlara başlayıb. Şirkətin planlaşdırdığı 75 milyard dollarlıq IPO uğurla baş tutarsa, “SpaceX”in dəyəri 1,7 trilyon dolları keçə və təsisçisi İlon Maskın sərvəti 1 trilyon dollar həddini aşa bilər.

Pressline.az xəbər verir ki, “SpaceX” ABŞ Qiymətli Kağızlar və Birja Komissiyasına (SEC) IPO ilə bağlı sənədlər təqdim edib.

Şirkət səhm başına 135 dollar qiymətlə təxminən 555 milyon səhm satışa çıxarmağı və bu yolla 75 milyard dollar vəsait toplamağı hədəfləyir.

Plan gerçəkləşərsə, bu, 2019-cu ildə həyata keçirilən və 29,4 milyard dollar həcmində olan “Saudi Aramco” IPO-sunu geridə qoyaraq tarixdə ən böyük IPO kimi qeydə alınacaq.

IPO-dan sonra “SpaceX”in bazar dəyəri təxminən 1,77 trilyon dollara yüksələ bilər. Şirkətin əsas səhmdarı olan İlon Maskın payının dəyəri isə yüz milyardlarla dollar artacaq.

Bildirilir ki, Maskın “SpaceX” və “Tesla”dakı paylarının ümumi dəyəri 1 trilyon dolları keçərsə, o, tarixdə ilk trilyonçu statusunu qazanan şəxs olacaq./qafqazinfo.az

ABŞ-ınavtomobil istehsalçısı “Ford Motor” ölkədə təxminən 420 min avtomobili geri çağırır.

Pressline.az xəbər verir ki, bu barədə ABŞ Milli Yol Hərəkəti Təhlükəsizliyi Administrasiyası (NHTSA) məlumat yayıb.

Məlumata görə, buna səbəb təhlükəsizlik kəmərlərində aşkar edilən nasazlıqdır. Geri çağırma 2018–2022-ci il istehsalı olan “Ford Expedition” və “Lincoln Navigator” modellərinə aiddir.

Bu avtomobillərdə sürücü və ya ön sərnişin oturacağındakı təhlükəsizlik kəmərinin dartıcı mexanizmi kəmərin hərəkətini bloklaya bilər. Bu da onun düzgün uzanması və ya yığılmasında problemlərə səbəb olur və nəticədə qəza zamanı xəsarət alma riski artır.

Sumqayıt Dövlət Universitetində yeni kadr təyinatı həyata keçirilib.

Bu barədə universitet məlumat yayıb.

Bildirilib ki, universitetin rektoru Nurəli Yusifbəylinin müvafiq əmr imzalayıb.

Əmrə əsasən, maliyyə və vergi sahəsində uzunmüddətli təcrübəyə malik Cəfər Əsədov rektorun Maliyyə və təsərrüfat məsələləri üzrə müşaviri vəzifəsinə təyin olunub./musavat.com