Rusiyanın tammiqyaslı işğalının başlanğıcından bəri Ukrayna 9500-dən çox vətəndaşını əsirlikdən qaytarıb. Onlardan 1596-sı bu il geri qayıdıb.

Pressline.az xəbər verir ki, bunu Ukrayna Prezidenti Volodimir Zelenski video müraciətində açıqlayıb.

“Biz Rusiya əsirliyində olan hər bir şəxsi – həm hərbçiləri, həm də mülki şəxsləri – qaytarmalıyıq. Hər bir soyadı yoxlayırıq. Mübadilələr davam edir”, – deyə Prezident qeyd edib.

O qeyd edib ki, əsirlikdən geri qaytarılanların reabilitasiyaya cəlbi vacibdir.

“Onların uyğunlaşma, lazımi müalicə və sosial məsələlərin həlli – bütün bunlar vacibdir və qayğı və dəstək olmalıdır”, – deyə dövlət başçısı bildirib.

Ukrayna müharibəyə uğurla müqavimət göstərdiyi müddətcə, Rusiyanın NATO-ya uğurla hücum etməyə gücü çatmır.

Pressline.az xəbər verir ki, bunu Polşa xarici işlər naziri Radoslav Sikorski “CBS Nyus”a verdiyi müsahibədə deyib.

“Putin bir neçə gün əvvəl Rusiyanın başqa ölkələr tərəfindən hücuma məruz qalacağı təqdirdə cavab tədbiri görəcəklərini söylədi. Əlbəttə ki, bizim belə bir planımız yoxdur.

Ona görə də, istisna etmirəm ki, ruslar öz ərazilərində hər hansı təxribat edərək, NATO ölkələrindən birinə zərbə endirmək üçün bəhanə yaratsınlar”, - deyə o bildirib.

Sikorski qeyd edib ki, NATO Putinə ittifaqın onun niyyətlərini başa düşdüyünü və ərazisinin hər qarışını müdafiə edəcəyini açıq şəkildə bildirməlidir.

İsrail və Livan arasında razılaşmaya dair çərçivə sazişinə görə, İsrail qoşunlarını respublika ərazisindən tədricən çıxaracaq.

Pressline.az xəbər verir ki, bu, ABŞ, İsrail və Livan nümayəndələri tərəfindən Vaşinqtonda imzalanan, iyunun 26-da dərc olunmuş müqavilənin mətnində yer alıb.

Sənədə əsasən, bu şərtlər - münaqişəyə son qoyulması, Livanın bütün ərazisi üzərində tam suveren nəzarətinin bərpası, qeyri-dövlət silahlı qruplarının tərksilah edilməsi və onlarla əlaqəli infrastrukturun ləğvi - yerinə yetirildikdə İsrail qüvvələri mərhələli şəkildə ölkədən çıxacaq.

Sazişə görə, hazırda İsrail qüvvələrinin əlində olan iki ərazinin nəzarəti Livan hakimiyyətinə veriləcək.

Təhlükəsizlik tədbirləri və nəzarət mexanizmləri də daxil olmaqla, prosesin təfərrüatları ABŞ-ın dəstəyi ilə hazırlanmış əlavədə göstəriləcək.

Fransada davam edən anomal isti hava şəraiti fonunda həyatını itirən uşaqların sayı dördə yüksəlib.

Pressline.az xəbər verir ki, bu barədə "The Guardian" qəzeti məlumat yayıb.

Məlumata görə, sonuncu qurban hipertermiya əlamətləri ilə avtomobildə aşkarlanan 18 aylıq uşaq olub.

Bundan əvvəl də Fransada avtomobillərdə bağlı vəziyyətdə qalan üç uşağın isti hava səbəbindən həyatını itirdiyi bildirilmişdi.

Nəşr həmçinin qeyd edib ki, ölkədə isti hava şəraiti ilə əlaqədar çimərliklərdə və su hövzələrində baş verən hadisələr nəticəsində ölənlərin sayı 55 nəfəri keçib.

Qeyd edək ki, Avropada müşahidə olunan isti hava dalğası bir sıra ölkələrdə rekord temperatur göstəricilərinə səbəb olub. İyunun 24-də Böyük Britaniyada son 50 ilin iyun ayı üzrə yeni istilik rekordu qeydə alınıb və havanın temperaturu 36 dərəcəyədək yüksəlib.

Türkiyənin Çanaqqala vilayətində R.Y. adlı yerli sakini evlənmək adı ilə aldadaraq 800 min lirə (təxminən 29200 manat) pulunu almaqda şübhəli bilinən Azərbaycan vətəndaşı saxlanılıb.

Pressline.az Qaynarinfo.az-a istinadla xəbər verir ki, M.H. adlı azərbaycanlı qadın ölkədən qaçmağa cəhd edərkən Türkiyə hüquq-mühafizə orqanları tərəfindən Ərzurum şəhərində ələ keçirilib.

Məlum olub ki, M.H. bir televiziya proqramında evlənmək üçün çıxan R.Y. adlı Türkiyə vətəndaşının 800 min lirə pulunu mənimsəyib.

O, R.Y. ilə evlənmək adı ilə həmin vəsaiti ondan alıb və Azərbaycana qaçmaq istəyərkən Çanaqqala Polis əməkdaşları tərəfindən Türkiyə Baş Prokurorluğunun koordinasiyasında həyata keçirilən əməliyyat tədbirləri nəticəsində saxlanılıb.

Ərzurumda tutularaq nəzarətə alınan şübhəli M.H. iyunun 24-də məhkəmə tərəfindən həbs edilib. Hadisə ilə əlaqəsi olduğu və vasitəçilik etdiyi müəyyən edilən digər şübhəli K.T. Çanaqqalanın Lapseki rayonunda tutulub və iyunun 24-də məhkəmə onu da həbs edib.

Avropa İttifaqı (Aİ) müharibə səbəbindən ölkəni tərk etmiş ukraynalıların müvəqqəti müdafiəsini 2028-ci ilin martınadək uzatmaq, eyni zamanda, yeni gələn çağırış yaşlı kişiləri proqramdan əvvəlki kimi xaric etmək niyyətindədir.

Pressline.az: "Report"un Avropa bürosunun verdiyi məlumata görə, təklif müharibədən qaçaraq Aİ ölkələrində sığınacaq tapmış təxminən 4,4 milyon Ukrayna vətəndaşının hüquqi statusunun qorunub saxlanılmasını nəzərdə tutur.

Brüssel Ukraynada təhlükəsizliklə bağlı vəziyyətin qeyri-sabit qalması səbəbindən müdafiə mexanizmlərini əvvəlki kimi vacib hesab edir.

Eyni zamanda, Avropa Komissiyası hərbi vəziyyət tətbiq edildikdən sonra Ukrayna hakimiyyətinin ölkədən çıxışına qadağa qoyduğu yeni gələn çağırış yaşlı kişilərə müvəqqəti müdafiə rejiminin şamil edilməməsi ilə bağlı əvvəllər müzakirə olunan təşəbbüsü dəstəkləyib. Avropa Komissiyası bunu ölkənin müdafiə qabiliyyətinin qorunub saxlanılmasının zəruriliyi ilə izah edib.

Təklifə həmçinin komissiyanın Aİ dövlətlərinin müvəqqəti müdafiə rejimindən uzunmüddətli yaşayış icazələrinə mərhələli keçid üçün hazırlıqları fəallaşdırması, eləcə də ukraynalıların vətənə könüllü qayıdışı mexanizmlərini inkişaf etdirməsi çağırışı daxildir.

Bunun üçün Avropa Komissiyası Aİ ölkələri və Ukrayna ilə birlikdə könüllü qayıdış üzrə pilot proqrama başlamaq niyyətindədir./report.az

Naxçıvanda yeniyetmə idmançı vəfat edib.

Pressline.az xəbər verir ki, bu haqda Naxçıvan Muxtar Respublikası Gənclər və İdman Nazirliyi məlumat yayıb.

Bu haqda sosial şəbəkədə edilən paylaşımda bildirilir ki, nazirlik kollektivi yeniyetmə cüdoçu Vəli Əliyevin vaxtsız vəfatından dərin kədər hissi keçirir. 

“Vəli Əliyev idmana olan sevgisi, istedadı və əzmkarlığı ilə uğurlu gələcək vəd edən cüdoçulardan biri idi. O, cari ilin 18 iyun tarixində keçirilən cüdo üzrə muxtar respublika birinciliyində qızıl medal qazanmışdı.

Mərhumun ailəsinə, yaxınlarına və idman ictimaiyyətinə dərin hüznlə başsağlığı verir, səbir diləyirik”.

Gəncə Beynəlxalq Hava Limanının direktoru Bəylər Nəcəfov vəzifəsindən azad edilib.  

Pressline.az xəbər verir ki, o, yaş həddi ilə əlaqədar təqaüdə göndərilib.

Qeyd edək ki, B.Nəcəfov uzun müddət sözügedən vəzifədə çalışıb.

Konqo Demokratik Respublikasında (KDR) Ebola virusundan ölənlərin sayı artıb. 

Pressline.az xəbər verir ki, bu barədə Konqo Rabitə və Media Nazirliyi gündəlik bülletenində məlumat yayıb.

Qeyd olunur ki, son 24 saat ərzində 13 nəfər artaraq 304-ə çatıb. Virusa yoluxanların sayı əvvəlki günlə müqayisədə 37 nəfər artaraq 1155-ə yüksəlib.