Braziliya millisinin üzvü Vinisius Junior bildirib ki, yığma komandanın baş məşqçisi Karlo Ançelotti ona hədiyyə söz verib.

Pressline.az xəbər verir ki, Ançelotti futbolçuya Şotlandiya ilə görüşdə baş zərbəsi qol vuracağı təqdirdə bunu edəcəyini deyib:

“Mən Ançelottiyə baş zərbəsi ilə qol vuracağıma söz vermişdim. Amma o, bunun mümkün olmadığını və bunu etsəm, mənə hədiyyə verəcəyini dedi. İndi isə artıq mən hədiyyəmi gözləyirəm”.

Qeyd edək ki, Braziliya millisi DÇ-2026-da 7 xalla qrupda lider olub və pley-offa vəsiqə qazanıb.

Dünya çempionatının qrup mərhələsinin ikinci turunun oyunları davam edir.

Pressline.az xəbər verir ki, bu gecə daha 4 oyun baş tutacaq.

Əvvəlcə saat 21:00-da Portuqaliya Özbəkistanla qarşılaşacaq.

Saat 00:00-da İngiltərə Qana ilə münasibətlərə aydınlıq gətirəcək.

03:00-da Panam və Xorvatiya üz-üzə gələcək.

06:00-da isə Kolumbiya və Konqo üzləşəcək.

DÇ-2026
İkinci tur
23 iyun

21:00. Portuqaliya – Özbəkistan

24 iyun

00:00. İngiltərə – Qana
03:00. Panama – Xorvatiya
06:00. Kolumbiya – Konqo

Dünya çempionatının qrup mərhələsinin ikinci turunun oyunları davam edir.

Pressline.az xəbər verir ki, bu gecə daha 4 oyun baş tutacaq. 

Əvvəlcə son dünya çempionu Argentina Avstriya ilə qarşılaşacaq. 

Vitse-çempion Fransa isə İraqla üz-üzə gələcək. 

Norveç Seneqalı, İordaniya isə Əlcəzairi sınağa çəkəcək. 

DÇ-2026
İkinci tur
22 iyun

21:00. Argentina – Avstriya

23 iyun

01:00. Fransa – İraq
04:00. Norveç - Seneqal
07:00. İordaniya - Əlcəzair

Futbol bu gün milyardlarla insanın izlədiyi, dünyanın ən populyar idman növü hesab olunur. Lakin bu oyunun tarixi çox qədim dövrlərə gedib çıxır və müxtəlif mədəniyyətlərdə fərqli formalarda oynanılıb.

Pressline.az oxu24.com-a istinadla xəbər verir ki, tarixçilərin məlumatına görə, futbolun ilk bənzər formalarından biri qədim Çində meydana gəlib. “Tsu-Cü” adlanan bu oyun hərbi təlimlərin bir hissəsi kimi istifadə olunurdu. Oyunçular ayaqları ilə topa nəzarət edərək onu xüsusi hədəf toruna daxil etməyə çalışırdılar. Bu oyun həm fiziki hazırlıq, həm də koordinasiya bacarıqlarının inkişafı üçün nəzərdə tutulmuşdu.Buna bənzər oyunlara qədim Yunanıstan və Romada da rast gəlinir. O dövrlərdə top oyunları daha çox əyləncə və hərbi hazırlıq məqsədi daşıyırdı. Lakin müasir futbolun formalaşması daha sonrakı dövrlərə təsadüf edir.

Mütəxəssislərin bildirdiyinə görə, müasir futbolun əsası 19-cu əsrdə İngiltərədə qoyulub. 1863-cü ildə Londonda Futbol Assosiasiyası yaradıldı və ilk dəfə olaraq oyunun rəsmi qaydaları yazılı şəkildə təsdiqləndi. Məhz bu səbəbdən İngiltərə futbolun “vətəni” hesab olunur.Həmin dövrdə futbol qaydaları sistemləşdirildi, oyunun strukturu müəyyənləşdirildi və fərqli məktəblər arasında vahid qaydalar qəbul edildi. Bu isə futbolun sürətlə yayılmasına şərait yaratdı.

Daha sonrakı illərdə futbol Avropadan bütün dünyaya yayıldı və beynəlxalq yarışların keçirilməsi üçün təşkilatlar yaradıldı. 1904-cü ildə FIFA-nın (Beynəlxalq Futbol Federasiyası) qurulması futbolun qlobal idman növünə çevrilməsində mühüm rol oynadı.Bu gün futbol artıq təkcə idman deyil, həm də böyük bir sənaye və mədəni fenomendir. Dünya çempionatları, Avropa turnirləri və beynəlxalq liqalar milyonlarla insanı stadionlara və ekran qarşısına toplayır. Mütəxəssislərin hesablamalarına görə, Dünya Çempionatı matçlarını milyardlarla tamaşaçı izləyir.

Futbolun bu qədər populyar olmasının əsas səbəblərindən biri onun sadə qaydaları və hər kəs tərəfindən oynana bilməsidir. Minimal avadanlıq tələb etməsi onu dünyanın hər yerində əlçatan edir.Bu gün futbol həm peşəkar idman, həm də sosial bir fenomen kimi inkişaf etməyə davam edir və hər il daha geniş auditoriyanı özünə cəlb edir.

"Qarabağ"ın daha bir futbolçusu komandadan ayrılıb.

Pressline.az İdmanxeber.az-a istinadən xəbər verir ki, söhbət Fabiyan Buntiçdən gedir. Təcrübəli qolkiper artıq komanda ilə sağollaşıb.

Onun yeni klubu da bəllidir. Buntiç karyerasını Portuqaliyada davam etdirəcək. O bu ölkənin I Liqa təmsilçisi "Farense" ilə anlaşıb.

Ağdam təmsilçisi Buntiçin ayrılığını yaxın vaxtda açıqlayacaq.

Milli Gimnastika Arenasında iyunun 27-də keçiriləcək "UFC Fight Night Baku" turnirinin əsas döyüşünün iştirakçısı olan Rafael Fiziyev Bakıya gəlib.

Pressline.az xəbər verir ki, Azərbaycan döyüşçüsünü Heydər Əliyev Beynəlxalq Hava Limanında azarkeşləri və yaxınları qarşılayıb.

O, qurumun mətbuat xidmətinə qarşıdakı döyüşlə bağlı açıqlama verib: “Yenidən Bakıya, doğma Azərbaycana qayıtmaq çox xoş hissdir. Qarşıda məni vacib və məsuliyyətli döyüş gözləyir. Özümü əla hiss edirəm, motivasiyam yüksəkdir və tam hazıram. Hazırda bütün diqqətim döyüşə yönəlib və səbirsizliklə oktaqona çıxacağım anı gözləyirəm. Şənbə günü azarkeşləri möhtəşəm döyüş gözləyir. Azərbaycanlı ilə meksikalı üz-üzə gələndə, həmişə möhtəşəm döyüş alınır. Bu dəfə də fərqli olmayacaq".

O, rəqibini incələdiklərini vurğulayıb: "Rəqibimin döyüşlərini birinci raundda başa vurması ilə bağlı söhbətlərə gəlincə, MMA-da hər şey bir anın içində dəyişə bilər. Bir zərbə, bir səhv bütün döyüşün taleyini həll edə bilər. Rəqibim aqressiv üsluba malikdir, daim irəli gedir və zərbələrinə tam gücünü qoyur. Son döyüşlərinin bir neçəsini ilk raundda başa vurub. Amma bu mənim hazırlığıma və yanaşmama təsir etmir. Oktaqonda hər şey mümkündür. Bu döyüşə gedən yol uzun olub. İllərlə çalışmışıq və indi bütün zəhmətin bəhrəsini göstərmək vaxtıdır. Bütün azarkeşlərimizi arenaya dəvət edirəm. Sizin dəstəyiniz bizə əlavə güc verir. İnanıram ki, tribunaların enerjisini hiss edərək Azərbaycanı layiqincə təmsil edəcəyik. Şənbə günü birlikdə möhtəşəm atmosfer yaradaq”.

Qeyd edək ki, turnir 27 iyunda Milli Gimnastika Arenasında baş tutacaq. Əsas döyüşdə, yüngül çəki dərəcəsində Rafael Fiziyev və Manuel Torres (Meksika) oktaqonda üz-üzə gələcəklər

Futbol üzrə dünya çempionatında Türkiyə Paraqvay millisinə məğlub olub.

Pressline.az xəbər verir ki, San-Fransisko Bay Arena stadionunda keçirilən D qrupunun II turunun matçında "ay-ulduzlu"lar rəqibinə 0:1 hesabı ilə uduzublar.

2-ci dəqiqədə Matias Qalarsa uzaq məsafədən qapını dəqiq nişan alıb.

Qarşılaşmanın 45+3-cü dəqiqəsində Cənubi Amerika təmsilçisinin heyətində Miqel Almiron qeyri-etik ifadə işlətdiyi üçün qırmızı vərəqə ilə cəzalandırılıb.

Qeyd edək ki, qrupun digər oyununda ABŞ seçməsi Avstraliyaya 2:0 hesabı ilə qalib gəlib.

Monqolustanın paytaxtı Ulan-Bator şəhərində keçirilən nüfuzlu "Böyük Dəbilqə" turniri Azərbaycan üçün uğurla başlayıb.

Pressline.az-ın məlumatına görə, 60 kiloqram çəki dərəcəsində mübarizə aparan təmsilçimiz Balabəy Ağayev bütün rəqiblərini üstələyərək turnirin qızıl medalına sahib çıxıb.

Cüdoçumuz həlledici final görüşündə əsl əzmkarlıq nümayiş etdirib. O, yaponiyalı dünya çempionu Ryuju Naqayamanı məğlubiyyətə uğradaraq turnirin qalibi adını qazanıb.

Xatırladaq ki, idmançımızın şəxsi məşqçisi Şümşət Bəhramovdur. 

Qeyd edək ki, beynəlxalq səviyyəli "Böyük Dəbilqə" turnirinə iyunun 21-də yekun vurulacaq. Bu mötəbər yarışda Azərbaycan milli komandası 17 cüdoçu ilə təmsil olunur.