Nəsimi Rayon Polis İdarəsinin əməkdaşlarının keçirdikləri tədbirlərlə paytaxt ərazisində bir gecədə silsilə oğurluqlar törətməkdə şübhəli bilinən S.Səfərov saxlanılıb.

DİN mətbuat xidmətindən Lent.az-a verilən xəbərə görə, araşdırmalarla müəyyən edilib ki, saxlanılan şəxs gecə saatlarında Səbail rayonu ərazisində yerləşən köşklərdən birinə daxil olaraq oradan pul vəsaiti və mobil telefon oğurlayıb.

O, analoji əməli Nəsimi rayonu ərazisində də törədib. Belə ki, həmin şəxs digər bir ticarət obyektindən ümumi dəyəri 6600 manat olan 5 ədəd mobil telefonu talayıb.

Faktlarla bağlı araşdırmalar davam etdirilir./lent.az

Türkiyənin Dənizli vilayətində keçirilən toy mərasimində baş verən silahlı insident nəticəsində 11 nəfər yaralanıb.

Pressline.az Türkiyə mediasına istinadla xəbər verir ki, hadisə Çivril rayonunun Kıralan məhəlləsində qeydə alınıb.

Məlumata görə, 15 yaşlı yeniyetmə gəlini evdən yola salarkən bölgədə adət hesab olunan havaya atəş açmaq istəyib. Lakin tüfəngdən açılan qırmalar yerə dəyərək istiqamətini dəyişib və yaxınlıqda olan qonaqlara dəyib.

Yaralanan 11 nəfər dərhal xəstəxanaya çatdırılıb. 

Hadisədən sonra yeniyetmə ifadə verməsi üçün jandarm bölməsinə aparılıb.

Faktla bağlı cinayət işi açılıb. 

Gəncədə avtomobil alqı-satqısı adı ilə dələduzluq edən şəxsə hökm oxunub.

Pressline.az "qaynarinfo.az"-a istinadla xəbər verir ki, təqsirləndirilən şəxs özünə məxsus olmayan "Hyundai Sonata" markalı avtomobili satmaq adı ilə tanışını aldadaraq onun 2650 manat pulunu ələ keçirib. O, avtomobilin guya özünə məxsus olduğunu bildirərək nəqliyyat vasitəsini 15 600 manata satmaq barədə razılıq əldə edib.

İstintaqla müəyyən edilib ki, həmin avtomobil əslində icarəyə götürülüb. Aldadıldığını anlayan zərərçəkmiş sonradan avtomobili sahibinə qaytarıb.

Bununla yanaşı, təqsirləndirilən şəxs başqa bir dələduzluq əməli də törədib. O, internet üzərindən satışa çıxarılan "Hyundai Tucson" markalı avtomobili almaq istədiyini bildirərək sahibinin etibarını qazanıb. Pulunun bir hissəsinin çatışmadığını, qalan məbləği isə qayınanasından alacağını deyərək avtomobil sahibini nəqliyyat vasitəsini lombarda girov qoymağa razı salıb.

Zərərçəkmiş avtomobili lombarda qoyaraq 10 min manat əldə edib. Daha sonra təqsirləndirilən şəxs həmin pulu almaq üçün onunla birlikdə əvvəlcədən müəyyən edilmiş ünvana gedib. Pulu aldıqdan sonra binaya daxil olan şəxs ehtiyat çıxışından istifadə edərək hadisə yerindən qaçıb və vəsaiti mənimsəyib.

Beləliklə, o, iki ayrı epizod üzrə zərərçəkmişlərə ümumilikdə 12 min 650 manat maddi ziyan vurub.

Təqsirləndirilən şəxs irəli sürülmüş ittiham üzrə özünü tam təqsirli bilib. Məhkəmənin hökmü ilə o, Cinayət Məcəlləsinin müxtəlif maddələri ilə təqsirli bilinərək 1 il 9 ay müddətinə azadlığın məhdudlaşdırılması cəzasına məhkum edilib.

Təqsirləndirilən şəxsin həbsdə və ev dustaqlığında keçirdiyi müddət nəzərə alınaraq cəzadan çıxılıb və onun üzərində qəti olaraq 1 il 3 ay 6 gün müddətinə azadlığın məhdudlaşdırılması cəzası saxlanılıb.

İyunun 20-də və 21-də ölkə ərazisində qeydə alınan 79, əvvəlki dövrlərdən bağlı qalan 11 cinayətin açılması polis əməkdaşları tərəfindən təmin olunub.

Pressline.az xəbər verir ki, bu barədə DİN məlumat yayıb.

Məlumata görə, axtarışda olduğuna görə ümumilikdə 71, o cümlədən borclu şəxs qismində axtarışda olan 51 nəfər saxlanılaraq aidiyyəti üzrə təhvil verilib.

Narkotiklərlə əlaqəli 34, qanunsuz saxlanılan silah-sursatın götürülməsi və aşkarlanması ilə bağlı 9 fakt müəyyən edilib.

Cinayət törətməkdə şübhəli bilinən 83 nəfər saxlanılıb.

Bakıda Milli Parkın ərazisindən meyit tapılıb.

Pressline.az bildirir ki, hadisə Səbail rayonu, M.Hüseynov küçəsində qeydə alınıb.

Burada yerləşən Milli Parkın ərazisindən 56 yaşlı paytaxt sakini Rəşadət Mehdi oğlu Əlizadənin meyiti aşkarlanlıb. Meyitin üzərində zorakılıq əlamətləri olmayıb.

Araşdırma aparılır./lent.az

Oğuz Rayon Polis Şöbəsinin əməkdaşları tərəfindən həyata keçirilən tədbirlərlə narkotiklərin satışı ilə məşğul olmaqda şübhəli bilinən 41 Elşad Əzizov, 42 yaşlı Tural Əsgərov, 61 yaşlı Siyavuş Məmmədov və 62 yaşlı İlqar Zeynalov saxlanılıb.

Pressline.az "32gun.az"-a istinadən xəbər verir ki, onlardan 1 kiloqramdan artıq marixuana və 1 ədəd odlu silah aşkarlanıb. 

Faktla bağlı cinayət işi başlanılıb, məhkəmənin qərarı ilə sözügedən şəxslər barəsində həbs qətimkan tədbiri seçilib.

Sumqayıt şəhərində 33 yaşlı şəxs bıçaqlanıb.

Pressline.az "yenisabah"-a istinadən xəbər verir ki, 1980-ci il təvəllüdlü Muxtar Məhəmməd oğlu Hüseynov dostu 1993-cü il təvəllüdlü Şirin Nizami oğlu Abdullayevə bıçaqla xəsarət yetirib.

Hadisənin münaqişə zəminində baş verildiyi bildirilir.

Yaralı dərhal xəstəxanaya çatdırılıb.

Faktla bağlı araşdırma aparılır.

Abşeron Rayon Polis İdarəsinin Saray Polis Bölməsinin əməkdaşları tərəfindən keçirilən tədbirlərlə rayon ərazisində müxtəlif ünvanlarda oğurluq hadisələri törətməkdə şübhəli bilinən Tural Heydərli, Səid Qasımov, Binyət Bayramlı, İsmayıl Xıdırov və Rasif Əliyev saxlanılıblar.

Pressline.az "axar.az"-a istinadla xəbər verir ki, araşdırmalar zamanı onların müxtəlif ünvanlardan ümumi dəyəri 19 min manat olan elektrik naqillərini oğurladıqları müəyyən edilib.

Həmçinin saxlanılan şəxslərin digər bir həyətyanı sahədən elektrik mühərrikləri və müxtəlif avadanlıqlar taladıqları da sübuta yetirilib.

Keçirilən digər tədbir zamanı saxlanılan Rasif Əliyevin isə rayon ərazisində yerləşən marketlərdən birindən tütün məmulatları, lotereya biletləri və pul oğurladığı da məlum olub.

Faktlarla bağlı araşdırmalar davam etdirilir.

Niameydə yerləşən hava limanında silah səsləri və partlayış səsləri eşidilib.

Pressline.az-ın xarici mediaya istinadən məlumatına görə, hava limanının giriş hissəsində yerli vaxtla saat 06:00 radələrində atəş səsləri qeydə alınıb.

Təxminən bir saat davam edən hadisə zamanı ərazidə partlayış səsləri də eşidilib.

Hadisənin səbəbi hələlik məlum deyil, ərazi isə müvəqqəti olaraq nəqliyyat üçün bağlanıb.

Bakı Ağır Cinayətlər Məhkəməsində hədə-qorxu ilə tələb etmədə təqsirləndirilən Zəminə Əsədovanın (adı, soyadı şərtidir) cinayət işinin bəzi detalları məlum olub.

Pressline.az bildirir ki, "Pravda.az"-ın əldə etdiyi məlumata görə, hakim Nigar İmanovanın sədrliyi ilə keçirilən prosesdə ittiham aktı elan olunub.

İttihama görə, təqsirləndirilən şəxs tanışı, 1959-cu il təvəllüdlü Rəmzi Səfərovla (adı, soyadı şərtidir) bağlı əldə etdiyi şəxsi xarakterli görüntülərdən istifadə edərək onu rüsvayedici məlumatlar yayacağı ilə hədələyib və müxtəlif vaxtlarda pul vəsaiti alıb.

Cinayət işi materiallarında göstərilir ki, hadisələrin əsası 2025-ci ilin mart ayında qoyulub.

Belə ki, 1989-cu il təvəllüdlü Zəminə Əsədova və Rəmzi Səfərov Bakı şəhərinin Nəsimi rayonunda yerləşən kirayə mənzildə görüşüblər. Tərəflər həmin mənzildə qarşılıqlı razılıq əsasında bir araya gəliblər.

Təqsirləndirilən şəxs görüş zamanı kişinin onunla seksual xarakterli hərəkətlər etməsini əks etdirən görüntüləri gizli şəkildə çəkib. Həmin görüntülər sonradan Rəmzi Səfərova qarşı təzyiq vasitəsi kimi istifadə olunub. Bir müddət sonra qadın kişi ilə telefon əlaqəsi saxlayaraq ondan pul tələb etməyə başlayıb.

O, Rəmzi Səfərova həmin görüntüləri ailə üzvlərinə və digər şəxslərə göndərəcəyini, həmçinin onun barəsində rüsvayedici məlumatlar yayacağını bildirib. Zəminə bu məqsədlə kişidən 1 000 manat məbləğində pul tələb edib. Kişi əvvəlcə bu tələbə razı olmayıb və pul verməkdən imtina edib. Bundan sonra təqsirləndirilən şəxs çəkdiyi görüntülərdən birini "WhatsApp" tətbiqi vasitəsilə ona göndərib. Görüntünü göndərdikdən sonra Zəminə yenidən pul tələb edib və vəsait ödənilməyəcəyi təqdirdə həmin materialların yaxınlarına və digər şəxslərə göndəriləcəyini söyləyib.

Rəmzi Səfərov təhdidlərin təsiri altında müxtəlif vaxtlarda ümumilikdə 1 000 manat pul vəsaitini təqsirləndirilən şəxsin istifadəsində olan bank kartlarına köçürüb. Köçürmələr 2025-ci ilin mart ayından aprel ayınadək olan müddətdə həyata keçirilib.

Bununla da, istintaqın qənaətinə görə, Zəminə hədə-qorxu yolu ilə 1 000 manat pul vəsaitini ələ keçirib.

Araşdırmalar zamanı məlum olub ki, bununla kifayətlənməyən təqsirləndirilən şəxs sonradan eyni üsulla yenidən pul tələb edib.

İttihama görə, 2025-ci ilin aprel ayında o, yenidən Rəmzi Səfərovla əlaqə saxlayıb. Həmin vaxt kişi Bakı şəhərinin Xəzər rayonu ərazisində, hava limanında olub. Zəminə telefon danışığı zamanı yenidən rüsvayedici məlumatlar yayacağı ilə hədələyərək daha 1 000 manat tələb edib.

Rəmzi Səfərov bu dəfə də təzyiqlərdən sonra tələb olunan məbləği təqsirləndirilən şəxsin istifadəsində olan bank kartına köçürüb.

Beləliklə, istintaqın qənaətinə görə, təqsirləndirilən şəxs Rəmzi Səfərovdan ümumilikdə 2 000 manat məbləğində pul vəsaitini hədə-qorxu yolu ilə əldə edib.

Toplanmış sübutlar, bank köçürmələrinə dair məlumatlar, telefon danışıqları, elektron yazışmalar və digər materiallar əsasında ona müvafiq maddələrlə ittiham elan olunub.

Məhkəmə iclasında təqsirləndirilən şəxs qismində dindirilən Zəminə Əsədova özünü ona elan olunmuş ittiham üzrə təqsirli bilməyib.

Məhkəmənin hökmü ilə o, 4 il 8 ay müddətə azadlıqdan məhrum edilib./mediatvaz.com