Məlumata görə, tarixdə "bisson" adı ilə tanınan qızılı parça əsrlər boyu dünyanın ən qiymətli tekstil nümunələrindən biri hesab edilib. Bu material əsasən imperatorlar, papalar və digər yüksək statuslu şəxslər üçün hazırlanırdı.

Pohanq Elm və Texnologiya Universitetinin professorları Donq Su Hvanq və Cimin Çoyun rəhbərlik etdiyi tədqiqat qrupu "Atrina pectinata" növünə aid mollyusklardan istifadə etməklə qədim bissonu xatırladan qızılı lif əldə edib. Alimlər eyni zamanda bu liflərin parlaq qızılı rənginin illər keçsə də niyə dəyişmədiyini də müəyyənləşdiriblər.

Araşdırmaya görə, qədim Roma dövründə bisson nəcib pinna adlanan dəniz mollyuskunun ifraz etdiyi bissus saplarından hazırlanırdı. Lakin dənizlərin çirklənməsi və ekoloji problemlər səbəbindən bu növ məhv olmaq təhlükəsi ilə üzləşib. Buna görə də Avropa İttifaqı onun ovlanmasını qadağan edib və nəticədə orijinal bisson son dərəcə nadir materiala çevrilib.

Yeni alternativ axtaran tədqiqatçılar müəyyən ediblər ki, "Atrina pectinata"nın lifləri fiziki və kimyəvi xüsusiyyətlərinə görə qədim materialın hazırlanmasında istifadə olunan bissus saplarına olduqca yaxındır. Bu oxşarlıq əsasında onlar bissonun görünüşünü uğurla təkrarlayan yeni material hazırlayıblar.

Alimlərin sözlərinə görə, parçanın qızılı rəngi boya maddələrindən deyil, "struktur rənglənməsi" adlanan fiziki prosesdən yaranır. Bu zaman liflərin mikroskopik quruluşu işıqla qarşılıqlı təsirə girərək davamlı və solmayan qızılı çalar əmələ gətirir.

Ümumdünya Şəhərsalma Forumunun 13-cü Sessiyasının (WUF13) Bağlanış Mərasimi keçirilir.

Pressline.az xəbər verir ki, mərasimdə WUF13 iştirakçıları, rəsmilər, qonaqlar iştirak edir.

Qeyd edək ki, WUF13 (XIII Ümumdünya Şəhərsalma Forumu) mayın 17-si başlayıb. BMT-nin Məskunlaşma Proqramı (UN-Habitat) və Azərbaycan Respublikası Hökumətinin birgə təşkilatçılığı ilə baş tutan tədbirə minlərlə dövlət rəsmisi, şəhərsalma mütəxəssisi və qeyri-hökumət təşkilatı qatılıb. Tədbirlər Bakı Olimpiya Stadionunda keçirilib./xalq.online

Bir qrup incəsənət xadiminə Azərbaycan Respublikası Prezidentinin mükafatları verilib.

Pressline.az xəbər verir ki, Prezident İlham Əliyev bununla bağlı Sərəncam imzalayıb.

Sərəncama əsasən, səhnə fəaliyyəti ilə bağlı aşağıdakı aparıcı incəsənət xadimlərinə Azərbaycan Respublikası Prezidentinin mükafatları verilib:

Abbasova Mətanət Nizami qızı

Abbasova-Budaqova Afaq Nurəhməd qızı

Abdullayev Mətləb Fətəli oğlu

Abdullayeva Xurşid Lütfəli qızı

Abdurahmanov Yusif Fikrət oğlu

Adıgözəlov Yalçın Vasif oğlu

Ağaverdiyeva Məsməxanım Aslan qızı

Axundov Əbülfəz Dadaş oğlu

Allahverdiyeva Naibə Siyavuş qızı

Aşurov Mustafa Əhməd oğlu

Atakişiyeva Mətanət Ağazair qızı

Babayeva İnarə Əhməd qızı

Bayramov Təyyar Allahverdi oğlu

Behbudov Əşrəf Məhərrəm oğlu

Canbaxşiyev Səməd Canbağış oğlu

Cəbrayılov Elşən Şahin oğlu

Cəfərov Rasim Valeh oğlu

Cəfərov Samir Qadir oğlu

Cəfərzadə Fatimə Üzeyir qızı

Dubovitskaya Mariya Aleksandrovna

Eres Mətanət İslam qızı

Eyvazova Ayan Fuad qızı

Əfəndi Elçin Fərahim oğlu

Əhmədov Çingiz Əli Əşrəf oğlu

Əhmədov Elşad Eldar oğlu

Əhmədov İbrahim Çingiz oğlu

Əhmədov İlyas Əhməd oğlu

Əkbərov Mir Qabil Qafil oğlu

Əliyev Abdulqəni Zəhmət oğlu

Əliyev Fərid Fərhad oğlu

Əliyeva Arzu Qurban qızı

Əliyeva Münəvvər Sabir qızı

Əliyeva Ülviyyə Fərhad qızı

Əlizadə Əkbər Müzəffər oğlu

Əlizadə Əli Oqtay oğlu

Əlizadə Şəhla Seidşah qızı

Əmiraslanlı Rəvanə Bahadur qızı

Əsədov İlham Əsəd oğlu

Əsədova Məleykə Əlifağa qızı

Əsgərov Əsgər Əkbər oğlu

Əskərov Emil Firuzəddin oğlu

Əzizov Əzizağa Ağayar oğlu

Ferştandt Anton Sergeyeviç

Fətullayev Aslan Miri oğlu

Gözəlova Maytab Valeh qızı

Hacıbabayev Elşən Atababa oğlu

Hacıyev Əli Yusif oğlu

Hacıyev Fuad Əhəd oğlu

Hacıyev Hacı Şamil oğlu

Hacıyev İlqar Xəlil oğlu

Hacıyev Vüqar Aydın oğlu

Hacıyeva Fidan Hacıağa qızı

Hacıyeva Sevil İnşalla qızı

Heybətov Anar Mithət oğlu

Heydərova Elnarə Rafiq qızı

Həsənquliyev Kazım Feyruz oğlu

Həsənov Kərim Abbas oğlu

Həsənov Nicat Yusif oğlu

Həsənov Zaman Hüseyn oğlu

Hüseynli Anar Vaqif oğlu

Hüseynli Rauf Eyyub oğlu

Hüseynov Fizuli İsmət oğlu

Hüseynov Şövqi Ərəstun oğlu

Hüseynova Fəridə Malik qızı

Hüseynova Kəmalə Müzəffər qızı

Xanəhmədov Səməd Budaq oğlu

Xanlarov Habil Tehran oğlu

Xəlilov Səbuhi Ağababa oğlu

Xəlilzadə Rüfət Eldar oğlu

İbrahimov Cavid Zəfər oğlu

İbrahimov Fuad Natiq oğlu

İbrahimova Nigar Rəfael qızı

İbrahimova Şəhla İbrahim qızı

İsmayılov Vilayət Hidayət oğlu

Kazımov Nicat Mirəziz oğlu

Kərimduxt Rövşən Ramazan oğlu

Kərimova Nərgiz Faiq qızı

Klimaşeva Bella Vladislavovna

Kuxmazova Yulizana Şəfiyevna

Qarayev Elnar Cəfər oğlu

Qədiyev Seymur Ağaddin oğlu

Qəhrəmanov Abbas Əhməd oğlu

Qəribova Nargilə Dursun qızı

Qubadov Ceyhun Şahbala oğlu

Qulamov Samir Ceyhun oğlu

Quliyev Cəmil Elşad oğlu

Quliyev Əyyub Ramiz oğlu

Quliyev Hafiz Məhərrəm oğlu

Quliyev Kamran Yusif oğlu

Quliyeva Şəlalə Şahvələt qızı

Qurbanova Gülzar Qurban qızı

Qurbanova Pərvanə Yaqub qızı

Mansurov Elxan Bəhram oğlu

Mansurova Səriyyə Mansur qızı

Mehdiyev İlkin İsgəndər oğlu

Mehdiyeva İrina Yurmiz qızı

Mehdiyeva Şarud Mehdi qızı

Məhərrəmov Firudin Əliməmməd oğlu

Məmmədov Anar Vaqif oğlu

Məmmədov Asim Fərman oğlu

Məmmədov Ayşad Kamal oğlu

Məmmədov Emil Əfrasiyab oğlu

Məmmədov Məmməd Əvəz oğlu

Məmmədov Murad Məmməd oğlu

Məmmədova Dinara Bəxtiyar qızı

Məmmədova Lalə Mirzəli qızı

Mikayılov Anar Şamil oğlu

Mikayılov Mikayıl Şamil oğlu

Miltıx Aleksey Leonidoviç

Mir-Qasım Ayan Oqtay qızı

Mirzəyev Gülağası Ağa Hüseynoviç

Mirzəzadə Nicat Qərib oğlu

Musabəyli Nuridə Musa qızı

Mustafayev Arzu Əhməd oğlu

Nəbiyev Cəbrayıl Fərrux oğlu

Novruzov Əfsər Dilavər oğlu

Nuriyeva Sədaqət Məmmədağa qızı

Orucova Almaz Ədil qızı

Orucova Naidə Mülük qızı

Orucova Sevda Nəbi qızı

Osmanov Fuad Tacəddin oğlu

Osmanova Ayla Bəhram qızı

Ömərov Gümrah Rza oğlu

Poladov Əkram Nicad oğlu

Rəcəbli Məmməd Qüdrət oğlu

Rəcəbli Vidadi Həsən oğlu

Rəhimov Teymur Əsgər oğlu

Rüstəmov Elşən Mərdan oğlu

Rzayev Ramin Sultan oğlu

Rzayeva Sevinc Əziz ağa qızı

Rzayeva Vəfa Əliseyran qızı

Salahov Əbülfət Yusif oğlu

Salamov İqrar Zakir oğlu

Seyidova Ceyla Uran qızı

Səfərova Kəmalə Mazanovna

Səlimli Mirbala Seyidəsgər oğlu

Səlimov Ruslan Xanbala oğlu

Səmədov Şükür Hacıbala oğlu

Səttərova Günay Nazim qızı

Süleymanova Ulduz İbrahim qızı

Şioşvili Leri Qiorqiyeviç

Şirinov Aslan Adil oğlu

Vəliyev Ramiz Hidayət oğlu

Vəliyeva Ləman Vəli qızı

Yahyayev Taleh Saleh oğlu

Yəhyayev Elgün Hafiz oğlu

Yusifova Təranə Əbülfəz qızı

Zeynalov Azər Zeynalabdın oğlu

Zeynalov Cümşüd Nəriman oğlu

Zəki Mehriban Mürvət qızı.

Sərəncamla Azərbaycan Respublikasının Nazirlər Kabinetinə bu sənəddən irəli gələn məsələləri həll etmək tapşırılıb. Eyni zamanda, incəsənət xadimlərinin mükafatlandırılması haqqında 2025-ci il 8 may tarixli əvvəlki Sərəncamın müvafiq hissəsi ləğv edilib.

İsveçli rejissor Mikael Silkeberqin "Folk-caz haqqında hekayə: Qərbdən Şərqə" (A Story About Folkjazz: From West to East) filmi cazı sadəcə musiqi janrı kimi deyil, mədəni kimliyi ifadə etməyə və Şərqlə Qərbi birləşdirməyə qadir universal dil kimi təqdim edir.

Pressline.az-in məlumatına görə, bu barədə Azərbaycanın İsveçdəki səfiri Zaur Əhmədov "X" hesabında yazıb.

O, aprelin 30-da dünyada Beynəlxalq Caz Gününün qeyd edildiyini xatırladıb.

Səfirin sözlərinə görə, filmdə İsveç və Azərbaycan arasındakı unikal mədəni qarşılıqlı əlaqədən bəhs edilir, burada cazın xalq musiqi ənənələri ilə sintezi mədəniyyətləri birləşdirən universal dil formalaşdırır.

Filmdə hadisələr Stokholmda cərəyan etməyə başlayır və isveçli caz pianoçusu Yan Yuhansonun irsinə müraciət yer alır. Onun "Jazz på Svenska" əsəri ölkənin musiqi kimliyinin mühüm hissəsinə çevrilib. Sonra hekayədə 1966-cı ildə Tallindəki caz festivalında baş verən tarixi görüş əks olunur. Bu görüşdə Yuhanson Azərbaycan cazının əfsanəsi Vaqif Mustafazadə ilə tanış olub.

Qeyd olunur ki, Mustafazadə həmin dövrdə improvizasiya, mürəkkəb modal quruluş və mikrotonal xüsusiyyətləri ilə fərqlənən Azərbaycanın ənənəvi musiqi sənətinin – muğamın və cazın inqilabi sintezini inkişaf etdirirdi.

"Bu, "paralel kainatda" baş vermiş bir görüş idi və o, duyğu və improvizasiya azadlığının birləşdirdiyi fərqli musiqi dilləri olan İsveç folk-cazı ilə Azərbaycan caz-muğamı arasındakı heyrətamiz oxşarlıqları üzə çıxardı", - səfir yazır.

Şərqə səyahəti davam etdirən film Avropa ilə Asiya arasında tarixi sivilizasiyaların kəsişdiyi Bakıya yol alır. Azərbaycanın unikal coğrafi mövqeyinin onun musiqi mədəniyyətinin formalaşmasına dərin təsir göstərdiyi vurğulanır. Muğam müxtəlif dövrlərin mədəni mərhələlərini özündə əks etdirib, XX əsrdə isə caz Bakının musiqi sintezi üçün əlverişli mühitə çevrilməsinə töhfə verib.

"Sovet dövrünün məhdudiyyətlərinə baxmayaraq, Azərbaycanda caz yaradıcılıq azadlığı məkanı kimi inkişaf etməyə davam edirdi, bunun sayəsində Bakı parlaq festivalları və kosmopolit atmosferi ilə heyran edən "caz şəhəri" kimi şöhrət qazanıb", - səfir vurğulayıb.

Filmdə həmçinin Vaqif Mustafazadənin ev-muzeyi və onun irsindən ilham almağa davam edən müasir musiqiçilərlə söhbətlər də yer alır.

Filmdə Azərbaycanın tanınmış caz ifaçılarının çıxışları xüsusi yer tutur, onların arasında korifeyin qızı Əzizə Mustafazadə, eləcə də dünyaca məşhur İsfar Sarabski, Şahin Növrəsli, Emil Əfrasiyab, Elçin Şirinov və Etibar Əsədli də var.

Sənədli film Mustafazadənin irsinin yeni nəsilləri ilhamlandırmağa davam etdiyini göstərir. Azərbaycanın dünyaca məşhur caz sənətçilərinin – Əzizə Mustafazadə, İsfar Sarabski, Şahin Növrəsli, Emil Əfrasiyab, Elçin Şirinov və Etibar Əsədlinin parlaq çıxışları sübut edir ki, caz-muğam ənənədə kök salmış, eyni zamanda müasir olan canlı, inkişaf edən sənət növü olaraq qalmaqdadır.

Çox sevdiyimiz bir kitabın ekranlaşdırılacağını eşitdikdə həm sevinir, həm də daxili bir narahatlıq keçiririk. Təcrübə göstərir ki, əksər hallarda tamaşaçılar "kitab daha yaxşı idi" qənaətinə gəlirlər. Bunun əsas səbəbi kitabın oxucunun təxəyyülündə yaratdığı sonsuz dünya ilə rejissorun vizual çərçivəsinin toqquşmasıdır. Kitabda qəhrəmanın daxili düşüncələrini və hisslərini sətirbəsət hiss edirik, filmdə isə bu, yalnız aktyor oyunu və ya kadrlarla ifadə olunmalıdır. Yüzlərlə səhifəlik bir əsəri iki saatlıq filmə sığdırmaq üçün bir çox vacib detallar və yan süjetlər ixtisar edilir. Bu da hekayənin dərinliyinin itməsinə və bəzən mənasının təhrif olunmasına səbəb olur.

​Pressline.az xəbər verir ki, ədəbiyyat və kino tənqidçiləri bu fərqi "vasitənin təbiəti" ilə izah edirlər. Ekspertlərin fikrincə, "Kitab oxucuya aktiv yaradıcılıq imkanı verir, film isə hazır görüntünü təqdim edərək təxəyyülü məhdudlaşdırır". Lakin bəzi filmlər vizual effektlər və musiqi sayəsində kitabın atmosferini daha da gücləndirə bilir. Müəllifin aylarla üzərində işlədiyi bir təsviri filmdə cəmi bir saniyəlik kadr əvəz edir. Tamaşaçı üçün qəhrəmanın xarici görünüşü artıq kitabda xəyal etdiyi deyil, aktyorun siması olur. Bu keçid bəzən sadiq oxucularda xəyal qırıqlığı yaradır. Bununla belə, uğurlu ekranlaşdırmalar həm də kitaba olan marağı artırır və onu yeni nəsillərə tanıdır. Hər iki sənət növünün özünəməxsus dili və təsir gücü var. Əsas olan əsərin ruhunu və mesajını itirmədən onu fərqli bir formatda yaşatmaqdır. Ən yaxşı təcrübə isə əvvəlcə kitabı oxumaq, sonra filmi izləməkdir.

Braziliyanın Laqo Sul şəhərində Azərbaycan zəngin mədəni irsinin tanıdılması məqsədilə "Azərbaycan Mədəniyyət Günü" adlı tədbir keçirilib.

Bu barədə Pressline.az-a Diasporla İş üzrə Dövlət Komitəsindən məlumat verilib.

Bildirilib ki, tədbir Dövlət Komitəsinin dəstəyi, Braziliya Beynəlxalq Münasibətlər üzrə Jurnalistlər Assosiasiyasının prezidenti, jurnalist Fabiana Ceyhanın təşkilatçılığı ilə baş tutub.

Tədbirdə Azərbaycanın qədim və zəngin mədəniyyətini əks etdirən milli musiqilər, rəqslər, ənənəvi geyimlər və xalq sənəti nümunələri geniş şəkildə nümayiş olunub. Ölkəmizin mədəni irsinin dərin tarixi köklərə malik olduğu və bu gün də beynəlxalq səviyyədə tanındığı xüsusi vurğulanıb.

Bundan əlavə, milli mətbəx nümunələrinin sərgiləndiyi stendlər qurulub, iştirakçılar aşpaz Halil Ceyhanın hazırladığı Azərbaycan mətbəxinin ləziz təamlarına qonaq edilib.

Tədbirin bədii hissəsi xüsusi maraqla qarşılanıb. Milli musiqilərimizin səsləndirilməsi qonaqlara unudulmaz anlar yaşadıb. Nyu Yorkda yaşayan azərbaycanlı musiqiçilər Röya və Rizvanın ifaları isə braziliyalı tamaşaçıların zövqünü oxşayıb.

Tədbir Azərbaycan mədəniyyətinin beynəlxalq arenada daha yaxından tanıdılmasına, milli kimliyimizin qorunmasına və iki ölkə arasında mədəni əlaqələrin möhkəmlənməsinə mühüm töhfə verib. "Azərbaycan Mədəniyyət Günü" Braziliya mətbuatında da geniş işıqlandırılıb.

Alış-veriş edərkən verdiyimiz qərarların çoxu əslində şüuraltı səviyyədə qəbul edilir və rənglər bu prosesdə həlledici rol oynayır. Hər bir rəng insan beynində fərqli duyğular və assosiasiyalar oyatmaq gücünə malikdir. Məsələn, qırmızı rəng iştahı artırdığı və təcili qərar vermə hissi yaratdığı üçün fast-food şəbəkələri tərəfindən çox istifadə olunur. Mavi rəng isə güvən və sabitlik simvolu olduğu üçün banklar və texnoloji şirkətlərin sevimlisidir. Brendlər logolarını və reklamlarını dizayn edərkən bu rəng psixologiyasından peşəkar şəkildə yararlanırlar.

​Pressline.az xəbər verir ki, marketoloqlar rənglərin istehlakçı davranışına təsirini "vizual manipulyasiya sənəti" kimi qiymətləndirirlər. Ekspertlərin fikrincə, "Doğru rəng seçimi bir məhsulun satışını saniyələr içində dəfələrlə artıra bilər". Sarı rəng optimizm və xoşbəxtlik saçdığı üçün diqqəti dərhal cəlb edir, yaşıl isə təbiilik və sağlamlıq vəd edir. Lüks brendlər isə adətən qara və qızılı rənglərdən istifadə edərək elitarlıq və bahalıq mesajı verirlər. Bir mağazaya daxil olduğunuzda gördüyünüz rənglər əslində sizin nə qədər pul xərcləyəcəyinizi gizlicə müəyyənləşdirir. Bu təsirlərdən xəbərdar olmaq bizə daha şüurlu alış-veriş etməyə kömək edir. Reklamların arxasındakı bu sirli dili anladıqda, marketinq hiylələrinə qarşı daha davamlı oluruq. Rənglər sadəcə gözəllik üçün deyil, hisslərimizi idarə etmək üçün bir alətdir. Gözlərimizin gördüyü hər bir ton beynimizə fərqli bir əmr göndərir. Növbəti dəfə alış-veriş edərkən ətrafınızdakı rənglərə bu gözlə baxmağa çalışın.

Böyük şəhərlərdə yaşayan insanların ən böyük problemi olan tıxaclar artıq ağıllı texnologiyalar sayəsində tarixə qovuşa bilər. "Ağıllı şəhər" konsepsiyası nəqliyyat axınını real vaxt rejimində idarə edən süni intellekt sistemlərinə əsaslanır. Sensorlar və kameralar vasitəsilə yollardakı yüklənmə analiz edilir və svetoforların işi saniyəlik dəyişdirilir. Sürücüsüz avtomobillərin şəbəkəyə qoşulması isə insan xətalarından qaynaqlanan ləngimələri minimuma endirəcək. İctimai nəqliyyatın optimallaşdırılması və boş parkinq yerlərinin tətbiqlər vasitəsilə tapılması vaxt itkisinin qarşısını alır. Şəhərlər artıq sadəcə binalar deyil, canlı və məlumat ötürən bir orqanizmə çevrilir.

​Pressline.az xəbər verir ki, şəhərsalma mütəxəssisləri nəqliyyatda rəqəmsallaşmanın karbon emissiyasını da xeyli azaldacağını qeyd edirlər. Mütəxəssislər vurğulayır ki, "Ağıllı nəqliyyat sistemləri sayəsində insanlar yollarda keçirdikləri vaxta orta hesabla 30% qənaət edə bilərlər". Big Data (Böyük Məlumat) analizi pik saatlarda alternativ marşrutların yaradılmasına kömək edir. Gələcəkdə yollar və avtomobillər bir-biri ilə daim ünsiyyətdə olacaq, bu isə qəzaların demək olar ki, sıfıra enməsi deməkdir. Mikromobillik vasitələri, yəni elektrikli skuterlər və velosipedlər də bu ekosistemin vacib hissəsidir. Şəhər infrastrukturu texnologiya ilə nə qədər inteqrasiya olunsa, həyat keyfiyyəti bir o qədər artacaq. Lakin bu sistemlərin qurulması üçün böyük sərmayə və kiber-təhlükəsizlik tədbirləri tələb olunur. Tıxacsız bir şəhər həm də daha təmiz hava və daha az stress deməkdir. Ağıllı şəhərlər gələcəyin deyil, bugünkü rəqəmsal inkişafın zəruri nəticəsidir. Texnologiya yolları açdıqca şəhərlər daha nəfəs ala bilən bir məkana çevriləcək.

"Çox kökəlmişəm, həddindən artıq. Utanıram... Duzlu, şirniyyat, çörək, çox yemək yemirəm".

Pressline.az xəbər verir ki, bu sözləri müğənni Mətanət Əsədova sosial şəbəkədə canlı yayımda deyib. Sənətçi çox artıq çəki aldığını bildirib.

"Çəkimi deməyə utanıram. 62 kiloqram idim, 60-a düşmüşdüm. İndi 10 kiloqram çəki almışam. Bu yaxınlarda çox pis xəstələndim, iynələr vurdurdum və məni şişirtdi. Arıqlamaq lazımdır. Bir-iki şey deyiblər, onu yeyəcəyəm. Nə vaxt deyirəm ki, arıqlayacağam, həmin an soyuqlayıram, nə günə qalıram. Bir də son vaxtlar məni əsəbiləşdirən yoxdur, ona görə kökəlirəm. //Axşam.az

Azərbaycan Televiziyasının “Sabah”, “Telefilm” və “Kino” studiyaları birləşdiriləcək.

Pressline.az xəbər verir ki, bu barədə  AzTV-nin Mətbuat xidmətindən məlumat verilib.

“QSC daxilində film istehsal edən 3 komanda var – “Sabah”, “Telefilm” və “Kino” studiyası. Hazırda QSC-nin strukturunun daha da təkmilləşdirilməsi, tamaşaçılara maraqlı kontent təqdim etmək istiqamətində növbəti addımlar atılır. Yaxın gələcəkdə müəyyən studiyaların birləşdirilməsi, daha kompakt idarəetmə sisteminin yaradılması nəzərdə tutulur. Bu məqsədlə bədii-sənədli filmlərin və tamaşaların istehsalı “Telefilm” adı altında birləşəcək”, - məlumatda qeyd olunub.

Qeyd edək ki, Xalq artisti Ramiz Həsənoğlu 36 ildir fəaliyyət göstərən “Sabah” studiyasının bağlanması ilə bağlı məlumat paylaşıb.