Konqo Demokratik Respublikasında (KDR) Ebola virusundan ölənlərin sayı artıb. 

Pressline.az xəbər verir ki, bu barədə Konqo Rabitə və Media Nazirliyi gündəlik bülletenində məlumat yayıb.

Qeyd olunur ki, son 24 saat ərzində 13 nəfər artaraq 304-ə çatıb. Virusa yoluxanların sayı əvvəlki günlə müqayisədə 37 nəfər artaraq 1155-ə yüksəlib. 

Xalq artisti Brilliant Dadaşova sosial şəbəkə hesabında etdiyi paylaşımla diqqət çəkib.

Pressline.az-ın "musavat.com"-a istinadən xəbərinə əsasən, sənətçi bildirib ki, son bir ay ərzində həm bacısı, həm də qardaşı ürək əməliyyatı keçirib.

Müğənni yaxınlarının sağlamlığı üçün vaxtında tibbi müdaxilənin vacibliyini vurğulayaraq, insanları səhhətlərinə biganə qalmamağa çağırıb.

"Son 1 ay ərzində bacımı və qardaşımı ürək əməliyyatına məcbur etdim. Əzizlərimizi yaşatmağa gecikməyək", - deyə Brilliant Dadaşova paylaşımında qeyd edib.

Müğənni həmçinin peşəkar həkimlərə təşəkkürünü ifadə edərək, onların hər zaman insanların köməyində olmasını arzulayıb.

Qan donorluğu minlərlə insanın həyatını xilas etsə də, hər kəs donor ola bilmir.

Pressline.az xəbər verir ki, həkimlərin sözlərinə görə, həm donorun, həm də qan alan şəxsin təhlükəsizliyi üçün müəyyən məhdudiyyətlər mövcuddur.

Mütəxəssislər bildirirlər ki, kəskin infeksion xəstəliklərdən əziyyət çəkən, yüksək hərarəti olan və ya ciddi xroniki xəstəlikləri olan şəxslərin qan verməsinə icazə verilmir.

Bundan başqa, hepatit B və C, HİV infeksiyası, bəzi ürək-damar xəstəlikləri, qan xəstəlikləri və onkoloji problemləri olan şəxslər daimi donor ola bilməzlər.

Həmçinin yaxın vaxtlarda cərrahi əməliyyat keçirən, tatu və ya pirsinq etdirən, hamilə olan və ya yeni doğuş etmiş qadınlar müəyyən müddət ərzində qan donorluğundan kənarlaşdırılırlar.

Həkimlər vurğulayırlar ki, qan verməzdən əvvəl hər bir namizəd tibbi müayinədən keçir və son qərar müayinənin nəticələrinə əsasən verilir. Donorun sağlam olması həm onun, həm də qan köçürüləcək şəxsin təhlükəsizliyi baxımından böyük əhəmiyyət daşıyır.

Qeyd edək ki, Milli.Az-da yayımlanan sağlamlıq məlumatları yalnız məlumat xarakterlidir və həkim məsləhətini əvəz etmir. Diaqnoz və müalicə üçün mütləq həkiminizə müraciət edin.

Müntəzəm olaraq pendir yemək demensiyanın (ağıl zəifləməsinin) inkişaf ehtimalını azalda bilər.

Pressline.az xəbər verir ki, bu nəticə "Nutrients" jurnalında dərc olunan yeni elmi araşdırmada göstərilib.

Tədqiqat 65 yaşdan yuxarı 7900-dən çox yapon sakininin sağlamlıq göstəricilərinə əsaslanıb. Onlar 2019–2022-ci illərdə həyata keçirilən milli layihə çərçivəsində müşahidə olunublar. Alimlər pendiri ən azı həftədə bir dəfə yeyən iştirakçıları bu məhsulu qida rasionuna daxil etməyənlərlə müqayisə ediblər.

Nəticələrə görə, pendir yeyənlər arasında demensiya 3,4% hallarda qeydə alınıb, pendir yeməyənlərdə isə bu göstərici 4,5% təşkil edib. Cins, yaş, gəlir səviyyəsi, təhsil və ümumi sağlamlıq nəzərə alındıqdan sonra məlum olub ki, pendir yeyənlərin idrak pozğunluğu riski 24% aşağıdır.

Alimlərin fikrincə, pendirin bu müsbət təsiri onun tərkibindəki K2 vitamini, antioksidantlar, zülallar və probiotiklərlə əlaqəli ola bilər. Bu maddələr bağırsaq mikroflorasını gücləndirir, orqanizmdəki iltihabı azaldır və damar sağlamlığını yaxşılaşdırır və bütün bunlar demensiya riskini azaltmağa kömək edir.

Tədqiqatçılar qeyd edirlər ki, Yaponiyada pendirin qoruyucu effekti xüsusilə nəzərə çarpır, çünki ölkədə ümumilikdə süd məhsullarının istehlakı aşağıdır./olke.az

Yemişan ekstraktı alkoqolsuz qaraciyər piylənməsi xəstəliyinə qarşı mübarizə aparmağa kömək edə bilər.

Pressline.az xarici mediaya istinadla xəbər verir ki, bu, tədqiqatlarını Food & Function (F&F) jurnalında dərc edən alimlərin gəldiyi nəticədir.

Qaraciyərin alkoqoldan əmələ gəlməyən piylənməsi xəstəliyi qaraciyər hüceyrələrində yağ həddindən artıq yığıldıqda inkişaf edir və ən çox yayılmış xroniki qaraciyər xəstəliklərindən biri hesab olunur. Tədqiqatçılar təcrübələrində yemişanda olan təbii polifenolların - prosianidinlərin təsirini araşdırıblar. Təcrübələr qaraciyər hüceyrələri və yüksək yağlı pəhrizlə qidalanan siçanlar üzərində aparılıb.

Məlum olub ki, yemişan ekstraktı qaraciyər hüceyrələrində yağ yığılmasını azaldır və heyvanlarda metabolik parametrləri yaxşılaşdırır. Siçanlarda ümumi xolesterol, triqliseridlər və "pis" LDL xolesterol səviyyələri azalıb və yağlı qaraciyər xəstəliyi azalıb. Bundan əlavə, maddə bu xəstəlikdə tez-tez pozulan öd turşusu balansını bərpa etməyə kömək edib.

Müəlliflər bu təsirin bağırsaq mikrobiotasına təsiri ilə əlaqəli olduğunu aşkar ediblər. Ekstrakt bağırsaq bakteriyalarının tərkibini dəyişdirib və bu, öd turşusu metabolizmasına təsir edib, qaraciyərdə lipid metabolizmasının əsas tənzimləyicilərindən biri olan FXR siqnal yolunu aktivləşdirib.

Əvvəllər alimlər şəkərli qazlı içkilərin müntəzəm istehlakının qaraciyər xərçəngi riskini artırdığını aşkar ediblər.

2025-ci ildə ilk dəfə bədxassəli yenitörəmə diaqnozu qoyulmuş 15 144 nəfər qeydiyyata alınıb.

Pressline.az xəbər verir ki, bu barədə Modern.az-ın sorğusuna cavab olaraq Dövlət Statistika Komitəsindən məlumat verilib.

Məlumata görə, ilk dəfə diaqnoz qoyulan xəstələrin 6 787-si kişi, 8 357-si isə qadın olub.

Ayrı-ayrı lokalizasiyalar üzrə ilk dəfə qeydə alınan xəstələrin sayı ağız boşluğu və udlaq xərçəngi üzrə 237, dodaq xərçəngi üzrə 21, qida borusu xərçəngi üzrə 463, mədə xərçəngi üzrə 1 392 nəfər təşkil edib.

Bundan başqa, düz bağırsaq, onunla siqmavari bağırsağın birləşməsi və anus nahiyəsinin bədxassəli yenitörəmələri ilə bağlı 832, qırtlaq xərçəngi üzrə 199, traxeya, bronx və ağciyər xərçəngi üzrə 1 480, süd vəzisi xərçəngi üzrə 2 928, dərinin melanoması üzrə isə 47 nəfər ilk dəfə qeydiyyata alınıb.

Bu göstəricilər hər gün orta hesabla 41 nəfərə xərçəng xəstəliyi diaqnozu qoyulur.

Komitədən verilən məlumata əsasən, 2025-ci ildə tibb müəssisələrində qeydiyyatda olan bədxassəli yenitörəməli xəstələrin ümumi sayı 74 004 nəfər olub.

Qeydiyyatda olan xəstələrin 28 026-sı kişi, 45 978-i qadındır.

Yaş qrupları üzrə qeydiyyatda olan xəstələrin 952-si 0-17 yaş, 1 603-ü 18-29 yaş, 5 797-si 30-39 yaş, 32 452-si 40-59 yaş, 33 200-ü isə 60 və yuxarı yaş qrupuna aid olub.

Həm yuxusuzluq, həm də obstruktiv yuxu apnesi (yuxuda tənəffüsün dayanması) problemindən əziyyət çəkən böyüklərdə 2-ci tip şəkərli diabetin inkişaf riski bu xəstəliklərdən yalnız birinin olduğu hallarla müqayisədə xeyli yüksəkdir.

Pressline.az xəbər verir ki, bu barədə tədqiqatçılar "SLEEP 2026" konfransında məlumat veriblər.

Bir milyondan çox iştirakçının məlumatlarının təhlili göstərib ki, yuxusuzluq özlüyündə diabet riskini 41 faiz, yuxu apnesi isə qadınlarda dörd dəfədən, kişilərdə isə beş dəfədən çox artırır. Ən böyük təhlükə bu iki pozğunluğun birləşməsi (COMISA) zamanı yaranır. Belə iştirakçılarda yeni diabet riskinin yuxu pozğunluğu olmayanlarla müqayisədə 6,2 dəfə yüksək olduğu müəyyən edilib; bu rəqəm kişilərdə 6,5 dəfə, qadınlarda isə 4,7 dəfə təşkil edir.

Müəlliflər vurğulayırlar ki, COMISA ürək-damar və maddələr mübadiləsi xəstəlikləri üçün müstəqil və kifayət qədər qiymətləndirilməyən bir risk faktorudur. Tədqiqatçılar yuxusuzluq və ya yuxu apnesi simptomları olan böyüklərə yuxu mütəxəssisinə müraciət etməyi tövsiyə edirlər. Bu pozğunluqların erkən aşkarlanması yüksək risk qruplarında diabetin profilaktikası üçün vacib bir strategiya ola bilər

Qeyri-müntəzəm vaxtlarda qidalanmaq depressiya riskini əhəmiyyətli dərəcədə artırır. Araşdırmada 2014-2022-ci illər ərzində 21 mindən çox yetkin şəxsin məlumatları təhlil olunub.

Pressline.az xarici mediaya istinadən məlumatı verir ki, nəticələr göstərir ki, əsas yeməklərini nizamsız vaxtlarda qəbul edən şəxslərdə depressiv simptomların yaranma ehtimalı müntəzəm qidalananlarla müqayisədə 55 faiz daha yüksəkdir. Xüsusilə, səhər yeməyini buraxanlar, siqaret çəkənlər və gec saatlarda yemək yeyənlər daha yüksək risk qrupunda yer alırlar.

Tədqiqatçılar bildirirlər ki, qeyri-müntəzəm qidalanma orqanizmin bioloji saatını pozaraq hormonal balanssızlığa və əhval-ruhiyyənin pisləşməsinə səbəb ola bilər. Həmçinin bu vərdiş B vitaminləri, lif və antioksidantlar kimi vacib qida maddələrinin çatışmazlığı ilə də əlaqələndirilir.

Mütəxəssislər qeyd edirlər ki, müntəzəm yemək rejimi, xüsusilə səhər yeməyindən imtina etməmək və balanslı qidalanmaq depressiya riskinin azaldılmasına kömək edə bilər.

Konqo Demokratik Respublikasında (KDR) Ebola qızdırmasına yoluxma nəticəsində ölənlərin sayı 60 nəfərə çatıb.

Pressline.az xəbər verir ki, bu barədə "Reuters" agentliyi KDR Səhiyyə Nazirliyinə istinadən məlumat yayıb.

Qeyd edilib ki, ölkə üzrə Ebolaya yoluxma ilə bağlı təsdiqlənmiş halların sayı 344-ə çatıb. Daha əvvəl agentlik 321 hal barədə məlumat verib.

Xatırladaq ki, Ebola epidemiyasının episentri KDR-in şərqində, İturi əyalətində qeydə alınıb. Ebolaya yoluxanlar İturi ilə həmsərhəd olan Uqandada da aşkar edilib./report.az