Video - Pressline.az

Nərimanov Rayon Mənzil-Kommunal Təsərrüfatı Birliyinin kollektivi 24 saatlıq iş rejimində çalışır VİDEO-FOTO

admin — Sat, 28 Mar 2026 23:16:45 +0400

Pressline.az: - -Son günlər Bakı şəhərində müşahidə olunan aramsız və intensiv leysan yağışlar paytaxtın kommunal infrastrukturunun fəaliyyətini bir daha sınağa çəkib. Belə hava şəraitində xüsusilə rayon mənzil-kommunal təsərrüfatı birliklərinin operativ və koordinasiyalı fəaliyyəti şəhər sakinlərinin gündəlik həyatının normal axarında davam etməsi baxımından həlledici əhəmiyyət kəsb edir. Bu baxımdan Nərimanov rayonu ərazisində fəaliyyət göstərən Mənzil-Kommunal Təsərrüfatı Birliyinin gördüyü işlər xüsusi qeyd olunmalıdır.

Bu günlər ərzində aia.az saytının əməkdaşları yaranmış vəziyyəti yerində qiymətləndirmək və operativ məlumat əldə etmək məqsədilə Nərimanov rayonu ərazisində müşahidələr aparıblar. Əldə olunan faktlar göstərir ki, leysan yağışların başladığı ilk andan etibarən Nərimanov Rayon Mənzil-Kommunal Təsərrüfatı Birliyi tərəfindən ərazidə fasiləsiz və intensiv iş rejimi təşkil olunub. Birliyin kollektivi həm gündüz, həm də gecə saatlarında yüksək məsuliyyət və peşəkarlıq nümayiş etdirərək yaranmış çətinliklərin operativ şəkildə aradan qaldırılması üçün səfərbər olub.

Xüsusilə Ziya Bünyadov prospekti, Arif Heydərov küçəsi, Təbriz küçəsi ilə Əhməd bəy Ağaoğlu küçəsinin kəsişməsi, Xətai prospekti, Həsən Əliyev küçəsi ilə Azadlıq prospektinin kəsişməsi, eləcə də Məmməd Sənani küçəsi ilə Azadlıq prospektinin kəsişməsi, Ceyhun Hacıbəyli küçəsi və Fətəli xan Xoyski prospekti kimi mühüm nəqliyyat arteriyalarında işlərin daha yüksək intensivliklə aparıldığı müşahidə olunub. Bu ünvanlarda texniki vasitələrin cəlb edilməsi, canlı qüvvənin düzgün bölüşdürülməsi və iş prosesinin fasiləsiz təşkili diqqəti xüsusilə cəlb edib. Görülən işlərin əsas istiqaməti yağış sularının maneəsiz axınının təmin edilməsi olub. Bu məqsədlə kanalizasiya xətlərinin açılması və təmizlənməsi, yağış barmaqlıqlarının palçıq və tullantılardan azad edilməsi, suyun yollarda yığılmasının qarşısının alınması istiqamətində sistemli tədbirlər həyata keçirilib. Nəticədə bir çox ərazilərdə su basma hallarının operativ şəkildə aradan qaldırıldığı və nəqliyyatın hərəkətində ciddi problemlərin yaranmasına imkan verilmədiyi müşahidə edilib.

Diqqət çəkən əsas məqamlardan biri də işlərin yalnız operativ deyil, eyni zamanda koordinasiyalı şəkildə aparılmasıdır. Birliyin əməkdaşları arasında vəzifə bölgüsünün dəqiq qurulması, texnikanın vaxtında cəlb olunması və prosesin davamlı nəzarətdə saxlanılması görülən işlərin effektivliyini artırıb. Bu isə onu deməyə əsas verir ki, Nərimanov rayon MKTB fövqəladə hava şəraitində çevik idarəetmə və yüksək təşkilatçılıq qabiliyyətinə malik olduğunu bir daha nümayiş etdirib. Hazırda leysan yağışların təsiri hələ də tam aradan qalxmadığı üçün Birlik tərəfindən işlər davam etdirilir. Əməkdaşlar ərazidə vəziyyəti nəzarətdə saxlayır, yaranan hər bir problemin dərhal həlli üçün operativ tədbirlər görürlər. Bu yanaşma isə rayon sakinlərinin gündəlik həyatında narahatlıqların minimuma endirilməsinə xidmət edir.

Ümumilikdə aparılan müşahidələr və əldə olunan məlumatlar deməyə əsas verir ki, Nərimanov Rayon Mənzil-Kommunal Təsərrüfatı Birliyinin kollektivi qarşıya qoyulmuş vəzifələrin öhdəsindən layiqincə gəlir. Onların fədakar və məsuliyyətli fəaliyyəti, xüsusilə çətin hava şəraitində göstərdikləri operativlik və peşəkarlıq paytaxt kommunal xidmətlərinin səmərəli fəaliyyətinin bariz nümunəsi kimi dəyərləndirilə bilər.//aia.az

Milli kinomuz: “Qara daşlar”

admin — Fri, 27 Mar 2026 10:30:32 +0400

Pressline.az xəbər verir ki., milli kino klassiklərindən biri olan “Qara daşlar” filmi yazıçı Mehdi Hüseyn‑in eyniadlı romanı əsasında çəkilib və neft uğrunda aparılan mübarizəni, əmək fədakarlığını dramatik şəkildə əks etdirir.

Yaradıcı heyət və texniki məlumatlar:

Rejissor: Ağarza Quliyev
Ssenari müəllifi: Mehdi Hüseyn
Bəstəkar: Rauf Hacıyev
Operatorlar: Xan Babayev və Əsgər İsmayılov
İlk nümayiş: 28 may 1957
Janr: Dram / Macəra
Dil: Azərbaycan
Format: Ağ‑qara

Baş rollar və aktyorlar:

İsmayıl Əfəndiyev — Şeyda İmanov
Ələsgər Ələkbərov — Qüdrət İsmayılzadə
Adil İsgəndərov — Xəlilov
İsmayıl Dağıstanlı — Aslanov
Ramiz Əliyev — Tahir
Nəzakət Hüseynova — Lətifə
Əli Qurbanov — usta Ramazan
Boris Çinkin — Koşkin
Mustafa Mərdanov — Dəmirov
Möhsün Sənani — usta Qurban
Ələkbər Hüseynzadə — Ağanemət
Sergey Yakuşev — neft kəşfiyyatçısı
Sofa Bəsirzadə — Lalə
F.Mustafayev — Teymur
Əzizə Məmmədova — Nisə xala
Vladimir İvanov
Tələt Rəhmanov — mühəndis
Məcid Şamxalov — həkim
R.Həşimzadə
Məmmədrza Şeyxzamanov
Ə.Rəsulov
Əliağa Ağayev — mühəndis
Əliheydər Həsənzadə — mühəndis
Həsənağa Turabov — rabitəçi Hüseyn

Filmi səsləndirənlər (titrlərdə yoxdur):

Əli Zeynalov — Tahir (R.Əliyev)
Hökümə Qurbanova — Lətifə (Nəzakət Hüseynova)
Sadıq Hüseynov — mühəndis
Həsənağa Salayev — rus mühəndis
Yusif Vəliyev — rus neftçi
Hüseynağa Sadıqov — Teymur (F.Mustafayev)

“Qara daşlar” Azərbaycan neftçilərinin dəniz kəşfiyyatında qarşılaşdıqları çətinlikləri, qabaqcıl və mühafizəkar yanaşmalar arasındakı toqquşmanı dramatik və bədii dillə təqdim edir. Film milli kino məktəbinin inkişafına böyük töhfə verib və Azərbaycan kino irsində klassik əsər kimi yüksək qiymətləndirilir.

Prezident Novruz tonqalını alovlandırdı - VİDEO

admin — Wed, 18 Mar 2026 21:13:39 +0400

Prezident İlham Əliyev Xocavənd rayonunun Xanoba kəndində Novruz tonqalını alovlandırıb.

"Pressline.az" həmin görüntüləri təqdim edir.

“Dəli Kür” filmi – Azərbaycan kino tarixinin klassik incisi

admin — Sat, 14 Mar 2026 12:30:15 +0400

Pressline.az xəbər verir ki, 1969-cu ildə çəkilmiş “Dəli Kür” filmi Azərbaycan kinosunun ən dəyərli ekran əsərlərindən biridir. Film görkəmli yazıçı İsmayıl Şıxlının eyniadlı romanının motivləri əsasında hazırlanıb və XX əsrin əvvəllərində Azərbaycanın ictimai və siyasi həyatını, maarifçilik ideyalarını və millət şüurunun oyanışını dramatik şəkildə göstərir.

“Dəli Kür” Azərbaycanfilm kinostudiyasında lentə alınıb. Rejissoru Hüseyn Seyidzadə olan film, dövrünün sosial və siyasi reallıqlarını əks etdirən bədii ekranlaşdırma nümunəsidir. Film tamaşaçıya yalnız bir kənddəki hadisələri yox, həm də o dövrün ictimai dəyişikliklərini və insan talelərinin mürəkkəbliyini təqdim edir.

Mövzunun əsasını təşkil edən süjet, Cahandar ağa obrazının evli bir qadını qaçırması və bu hadisə ətrafında inkişaf edən gərginlikləri göstərir. Eyni zamanda, qabaqcıl ziyalıların və maarifçi pedaqoqların xalq arasında azadlıq şüurunun formalaşması da obrazlı şəkildə ekrana gətirilir.

Filmin ssenari müəllifi İsmayıl Şıxlı, quruluşçu rejissor Hüseyn Seyidzadə, operator isə İqor Boqdanov olub. Bəstəkar Cahangir Cahangirov filmə dramatik musiqi atmosferi qatıb.

Baş rollarda yer alan aktyorlar arasında:

Zemfira Sadıqova – Mələk obrazı, Eldar Əliyev, Məlik Dadaşov, Leyla Bədirbəyli, Liya Eliava və digər tanınmış sənətçilər var. Film aktrisa Zemfira Sadıqovanın karyerasında xüsusi iz buraxıb və onun “Mələk” obrazı tamaşaçıların yaddaşında qalıcı olub.

Çəkiliş zamanı bir sıra çətinliklər yaranıb. Sovet senzurası səbəbindən filmin orijinal finalı dəyişdirilməli olub. Başlanğıcda Cahandar ağanın kazaklarla döyüş səhnəsi göstərilsə də, sonradan bu səhnə kəsilib və finalda hadisələrin dramatik həlli ekrana gətirilib.

Filmdəki Novruz bayramı səhnələri isə xüsusi vurğulanır. Bu səhnələr o dövr üçün cəsarətli bir addım sayılır və milli bayram mədəniyyətini kino ekranına uğurla gətirir. Çəkilişlər zamanı Kür çayının sahilində və kənd yerlərində aparılan real kadrlar filmə dramatik realizm qatıb.

“Dəli Kür” yalnız bədii ekran əsəri deyil, həm də Azərbaycan milli kino irsinin əvəzsiz nümunəsidir. Sosial-psixoloji dərinliyi, obrazların reallığı və dövrün ictimai-mədəni mühitini əks etdirməsi filmi həm yerli, həm də beynəlxalq səviyyədə diqqətəlayiq edir.

Bu ekran əsəri nəsillər boyunca tamaşaçılar tərəfindən yüksək qiymətləndirilir və Azərbaycan kinosunun klassik incisi kimi daim xatırlanır.