Bu ölkədə dəmir yollarında hərəkət tam dayandırıldı - Səbəb açıqlanmır

Serbiyada "qatar böhranı" yaranıb.

Pressline.az xəbər verir ki, bu barədə xarici KİV məlumat yayıb. Serbiyanın dəmir yolu şirkəti olan "Srbijavoz"un məlumatına görə, ölkədə bütün qatar xidmətləri səhər saatlarından etibarən dayandırılıb.

Şirkət qatar xidmətlərinin dayandırılmasının səbəbini izah etməyib. Lakin media yazır ki, buna səbəb mayın 23-də ölkədə tələbələr və müxalifət tərəfdarları tərəfindən kütləvi etiraz aksiyasının keçirilməsi ola bilər.

Xatırladaq ki, serb tələbələr əvvəllər 23 may tarixində Belqraddakı Slaviya meydanında etiraz aksiyası keçirəcəyini elan etmişdilər. Mitinq 2024-cü ilin noyabr ayında dəmir yolu stansiyasının dam örtüyünün uçması nəticəsində həlak olan 16 nəfərin xatirəsinə həsr olunub./publika