Anar Bayramov Xızı rayonunda vətəndaşları qəbul edib

Anar Bayramov Xızı rayonunda vətəndaşları qəbul edib

Pressline.az xəbər verir ki, TƏBİB-in İcraçı direktoru Anar Bayramov Xızı Rayon Mərkəzi Xəstəxanasında Xızı və Siyəzən rayonlarının sakinlərini qəbul edib.

Qəbul zamanı vətəndaşlar müayinə-müalicə, iş, əmək münasibətləri və s. ilə bağlı müraciət edib. Hər bir müraciət diqqətlə dinlənilib, bir sıra məsələlər yerində həll olunub.

Araşdırma tələb olunan digər müraciətlərin qanunvericiliyə uyğun baxılması məqsədilə müvafiq göstərişlər verilib.

Vətəndaş qəbulundan sonra İcraçı direktor tibb müəssisəsindəki şöbələrin şəraiti və göstərilən tibbi xidmətlərlə tanış olub, pasiyent məmnuniyyətinin artırılması və xidmət keyfiyyətinin yüksəldilməsi istiqamətində tapşırıqlarını verib.