Kaya Kallas: Avropa Ukrayna ilə Rusiya arasında heç vaxt neytral vasitəçi olmayacaq

Avropa İttifaqı (Aİ) Rusiya ilə Ukrayna arasında gedən müharibədə heç bir halda neytral vasitəçi qismində çıxış etməyəcək.

Pressline.az xəbər verir ki, bunu Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas bildirib.

Baş diplomat Avropa daxilində bu mövzu ətrafında ciddi müzakirələrin aparıldığını diqqətə çatdırıb:

"Biz Avropanın Moskvadan hansı güzəştləri tələb etməli olduğunu və bizim üçün 'qırmızı xətlərin' haradan keçdiyini çox ətraflı şəkildə müzakirə etdik. Bu məsələdə bir məqam tamamilə aydındır: Avropa heç vaxt Rusiya ilə Ukrayna arasında neytral bir vasitəçi olmayacaq. Çünki biz açıq şəkildə Ukraynanın tərəfindəyik və bununla həm də özümüzün fundamental təhlükəsizlik maraqlarımızı müdafiə edirik"./teleqraf