T Ə B R İ K   E D İ R Ə M

Bu gün ölkədə bir-birindən fərqli xeyli onlayn media fəaliyyət göstərir. Hamısı da cəmiyyətdən oxunmasını umur. Saytlar fərqli olduğu kimi, oxucu zövqü də müxtəlifdir. Elə bir sayt adı çəkmək mümkün deyil ki, hamının istəyinə cavab versin. Amma, özünə auditoriya toplayan saytlar da çoxdur. Hansı media subyekti hadisələrə münasibətdə özünəməxsus, fərqli rakursdan yanaşmağı bacarırsa, o artıq öz simasını formalaşdırır. Xalqımızın gözəl bir deyimi var – Ad bostandır. Yəni hər kəs övladına istədiyi adı verməkdə sərbəstdir, amma qalanını – uğur, bəxt, tale – övlad özü qazanmalıdır. Bu mənada ölkədə baş verən hadisələrdən hamı yaza bilər, məsələ kimin necə yazmasındadır. Yeni yaranmış “Pressline.az”  saytına əvvəl öz simasını formalaşdırmağı, ardınca geniş auditoriya arzulayıram. Uğur olsun!

İlham QƏHRƏMAN:

Şair.