Dünyada taxıl 5%-ə yaxın bahalaşıb

Mayda Taxıl Qiymətləri İndeksi orta hesabla 114,3 bənd təşkil edib ki, bu da aprel ayı ilə müqayisədə 2,9 bənd (2,6%), ötən ilin eyni dövrünə nisbətdə isə 5,3 bənd (4,9%) artım deməkdir.

Pressline.az BMT-nin Ərzaq və Kənd Təsərrüfatı Təşkilatına (FAO) istinadən xəbər verir ki, davamlı artım bütün əsas taxıl növləri üzrə qiymətlərin yüksəlməsi ilə izah olunur.

Mayda buğda da bahalaşıb. Beləliklə, dörd aylıq artım davam edib. Qarğıdalının qiyməti də əsas bazarlarda güclənən idxal tələbi, Braziliya və ABŞ-də təklifin məhdudlaşması və enerji qiymətlərinin artması nəticəsində yüksəlib.

FAO-nun Bütün Düyü Növləri üzrə Qiymət İndeksi isə 2026-cı ilin mayında 2,7% artıb. Asiyanın bəzi aparıcı ixracatçı ölkələrində hava şəraiti ilə bağlı narahatlıqlar və xam neftin qiymətinin yüksəlməsi kotirovkaları dəstəkləyib.