Moskva məhkəməsi Xodorkovskini 10 il azadlıqdan məhrum edib

Moskva məhkəməsi “YUKOS” neft şirkətinin keçmiş rəhbəri Mixail Xodorkovskini (Rusiyada xarici agentlərin reyestrinə daxil edilib) Rusiya ordusu haqqında saxta məlumatlar yaymaqda iki maddə üzrə qiyabi olaraq təqsirli bilib.

Pressline.az-ın verdiyi məlumata görə apa-nın Moskva bürosu xəbər verir ki, hakim Oksana Qoryunova Xodorkovskini 10 il müddətinə azadlıqdan məhrum edib.

Xodorkovskiyə qarşı hərbi “feykl”lərlə bağlı cinayət işi 2023-cü ilin sentyabrında açılıb. Səbəb “X” sosial şəbəkəsində 9 sentyabr 2022-ci il tarixli paylaşım və onun “YouTube” kanalında 9 iyul 2024-cü il tarixli yerləşdirilmiş video olub.