Göyçay Rayon Mərkəzi Xəstəxanasında liftlərin təmiri 12 min manat ödəniləcək

"Göyçay Rayon Mərkəzi Xəstəxanası" Publik Hüquqi Şəxsi tibb müəssisəsindəki lift təsərrüfatının qaydaya salınması məqsədilə satınalma proseduruna start verib. Müəssisə tərəfindən elan edilən tender liftlərin cari təmiri xidmətini və onlara aylıq mütəmadi texniki baxışın keçirilməsini əhatə edir.

 Sözügedən xidmətlərin yerinə yetirilməsi üçün ehtimal olunan qiymət 11 923,90 AZN məbləğində müəyyən edilib. .

Qeyd edək ki, Göyçay Rayon Mərkəzi Xəstəxanası (RMX) TƏBİB-in tabeliyində fəaliyyət göstərən, rayon əhalisinə genişspektrli tibbi xidmətlər təqdim edən əsas səhiyyə müəssisəsidir.

Xəstəxanaya hazırda direktor olaraq Zahir Əliyev, baş həkim olaraq isə Aqşin İsayev rəhbərlik edir.