ABŞ-də yeddiaylıq qızı güllələyən 10 yaşlı oğlan həbs edildi

ABŞ-nin Missuri ştatında 10 yaşlı oğlana qarşı yeddiaylıq bir qız uşağını güllələyərək öldürdükdən sonra birinci dərəcəli qətl üzrə ittiham irəli sürülüb.

Pressline.az-ın xəbərinə görə, bu barədə "People" nəşri Sent-Luis polisinə istinadən məlumat verib.

İstintaqın məlumatına görə, oğlan atası Kemeron Pouellin döşəyin altında saxladığı silahı götürüb və körpənin başına atəş açıb. Körpə qız xəstəxanaya çatdırılsa da onun həyatını xilas etmək mümkün olmayıb, uşaq aldığı xəsarətlərdən həyatını itirib.

Oğlanın atasına qarşı uşağın həyatına təhlükə yaratmaq və qətl üzrə ikinci dərəcəli ittiham irəli sürülüb. Yerli KİV-in məlumatına görə, onun oğlu Missuri tarixində qətldə ittiham olunan ən gənc şəxs olub./oxu.az