Britaniya aviaşirkətinə məxsus təyyarə tüstülənmə səbəbindən Erfurtda yerə enib

Böyük Britaniyanın "Jet2" aviaşirkətinə məxsus təyyarə Erfurt-Veymar hava limanında (Almaniya) planlaşdırılmamış eniş edib.

Pressline.az xəbər verir ki, bu barədə Almaniya mediası məlumat yayıb.

Hava limanı nümayəndəsinin sözlərinə görə, səbəb "qeyri-müəyyən tüstülənmə" olub.

Yanğından mühafizə xidməti təyyarənin göyərtəsində alovlanma aşkar etməyib. "Airbus A321" təyyarəsi Erfurtda qalacaq və aviaşirkətin texniki mütəxəssisləri tərəfindən yoxlanılacaq.

Məlumatlara görə, təyyarə Yunanıstandan Londona uçurdu. Göyərtədə 225 sərnişin və 7 heyət üzvü olub. Xəsarət alan yoxdur./report.az