İran Avropaya xəbərdarlıq etdi: Təhriklərə aldanmayın

Hörmüz boğazı 28 fevrala qədər açıq olub və bölgədəki gərginliyin əsas səbəbi ABŞ və İsrailin addımlarıdır.

Pressline.az Publika.az-a istinadən xəbər verir ki, bunu İran Xarici İşlər Nazirliyinin sözçüsü İsmayıl Bəqayi mətbuat konfransında deyib.

Avropa ölkələrinə çağırış edən Bəqayi bildirib ki, Vaşinqtonun və İsrailin regional təhriklərinə qoşulmaq Avropa üçün faydalı olmayacaq:

“Biz Avropa ölkələrinə açıq şəkildə bildirdik ki, onlar ABŞ və ya sionist rejimin regional məsələlərdəki təhriklərinin onlara fayda verməyəcək bir böhrana sürükləməsinə icazə verməməlidirlər”.

XİN sözçüsünün sözlərinə görə, bir sıra Avropa ölkələri bu müharibəni “qanunsuz, əxlaqsız və təcavüzkar” hesab edir və buna görə də ABŞ-ın təzyiqlərinə baxmayaraq prosesə cəlb olunmayıb.