Benzin böhranı yaxınlaşır – bəzi bölgələrdə satış məhdudlaşdırıldı

Rusiyada artıq avqust ayına qədər benzin qıtlığının yaranacağı ilə bağlı məlumatlar yayılıb.

Pressline.az xəbər verir ki, hazırda ən ciddi problemlər işğal altında olan Krımda müşahidə olunur. Bununla yanaşı, Kursk, Belqorod vilayətləri və Moskva ətrafından da yanacaq təchizatında fasilələrlə bağlı xəbərlər gəlir.

Məlumata görə, bəzi regionlarda yanacaq satışına məhdudiyyətlər tətbiq edilir. Əsas problem benzin istehsalı ilə deyil, onun daşınması və bölgələrə çatdırılması ilə əlaqələndirilir.

Krımda yaranan qıtlığın əsas səbəbi kimi “Novorossiya” magistralı üzrə yanacaq tədarükündə baş verən fasilələr göstərilir. Bu səbəbdən bəzi məntəqələrdə benzin talon sistemi və ya müəyyən limitlər əsasında satılır./musavat.com