Tarixin ən böyük enerji böhranı: "Çox neft və qaz itirdik"

Pressline.az xəbər verir ki, o, "tarixin ən böyük enerji böhranı ilə qarşı-qarşıyayıq" ifadəsini təkrarlayaraq, mövcud vəziyyətin miqyasına diqqət çəkib. Davam edən müharibə səbəbindən çox böyük həcmdə enerji itkisi yaşandığını bildirib.

Fatih Birol dünyada baş verən hazırkı enerji böhranının əvvəlki böyük böhranlarla müqayisədə daha ciddi olduğunu vurğulayıb. O qeyd edib:

"Tarixin ən böyük enerji böhranı ilə qarşı-qarşıyayıq. Son 50 ildə üç böyük böhran yaşadıq: 1973 neft böhranı, 1979 neft böhranı və dörd il əvvəl Rusiya-Ukrayna müharibəsindən sonra yaranan təbii qaz böhranı".

Fatih Birol İran, İsrail və ABŞ müharibəsi çərçivəsində Körfəz bölgəsinə edilən hücumlar, İranın dünya neftinin təxminən 20 faizinin keçdiyi Hörmüz Boğazını bağlaması və ABŞ-ın bölgəyə tətbiq etdiyi blokadalar səbəbindən ciddi enerji itkisi yaşandığını bildirib.

O əlavə edib ki, hazırda itirilən neft və qaz həcmi əvvəlki üç böyük böhranın ümumi göstəricisindən də çoxdur:

"Bugünkü müharibədə itirdiyimiz neft və qaz miqdarı, sözügedən üç böhranın toplamından daha böyükdür. Bundan əlavə petrokimya məhsulları, gübrələr, helium və kükürd kimi vacib resurslar da ciddi şəkildə təsirlənib. Çox ".

Fatih Birol böhranın miqyasına baxmayaraq, vəziyyətin tamamilə çıxılmaz olmadığını da qeyd edib. O bildirib ki, müasir texnologiyalar sayəsində enerji sektorunda daha effektiv həllər mövcuddur:

"Bu böhrana da, xüsusilə enerji sahəsində, güclü reaksiya veriləcəyinə inanırıq. 50 il əvvəllə müqayisədə bu gün daha şanslıyıq, çünki daha səmərəli və iqtisadi cəhətdən əlverişli texnologiyalara sahibik".//Qaynarinfo