ABŞ ordusunda gözlənilməz istefa: Baş qərargah rəisi vəzifədən getdi

Pressline.az xəbər verir ki, ABŞ Müdafiə naziri Pete Hegseth ölkə ordusunun baş qərargah rəisi Randy George-dan vəzifəsindən getməsini istəyib.
Məlumata görə, Pentaqonun sözçüsü Sean Parnell açıqlamasında bildirib ki, George “dərhal qüvvəyə minmək şərtilə 41-ci baş qərargah rəisi vəzifəsindən istefaya göndərilir”.

Qeyd edək ki, bu vəzifə adətən 4 illik müddət üçün tutulur. Randy George 2023-cü ildə ABŞ-ın keçmiş prezidenti Co Bayden tərəfindən bu posta namizəd göstərilmişdi.

Son dəyişiklik ABŞ-ın İranla bağlı hərbi gərginlik fonunda baş verir. Prezident Donald Tramp isə son çıxışında ABŞ-İsrail və İran arasında davam edən müharibənin “yaxın zamanda başa çatacağını” bildirmişdi.

Randy George uzun illər hərbi xidmət keçib və Birinci Körfəz müharibəsində, eləcə də İraq və Əfqanıstandakı əməliyyatlarda iştirak edib.
Onun vəzifədən uzaqlaşdırılmasının səbəbi isə hələlik açıqlanmayıb.