Özbəkistan Misirlə daha güclü iqtisadi əlaqələr qurmaq istəyir

BAKI, Azərbaycan, 13 iyun. Özbəkistan və Misir hərtərəfli tərəfdaşlıqlarını gücləndirmək və müxtəlif sektorlarda əməkdaşlığı genişləndirmək yollarını müzakirə ediblər.

Bu, Özbəkistan xarici işlər naziri Baxtiyor Saidovun Misir baş naziri Mustafa Kamal Madbuli ilə görüşdən sonra verdiyi açıqlamada öz əksini tapıb.

Görüş zamanı Səidov Özbəkistan Prezidenti Şavkat Mirziyoyevin salamlarını və ən xoş arzularını Misir Prezidenti Əbdülfəttah əs-Sisiyə çatdırdı.

Tərəflər Özbəkistan və Misir arasında hərtərəfli tərəfdaşlığın daha da inkişafı ilə bağlı əsas məsələləri nəzərdən keçirib və ticarət, investisiya, sənaye, nəqliyyat və logistika sahələrində əməkdaşlığın genişləndirilməsi imkanlarını müzakirə ediblər.

Səidov bildirib ki, "Xüsusi diqqət ticarət, iqtisadi və investisiya əməkdaşlığını yeni səviyyəyə qaldırmağa, sənaye əməkdaşlığının genişləndirilməsinə, nəqliyyat və logistika əlaqələrinin inkişafına və birgə layihələrin həyata keçirilməsinə yönəldilib"

Rəsmilər həmçinin iki ölkə arasında əlaqələrin daha da dərinləşdirilməsi məqsədilə mədəni, humanitar, təhsil və dini sahələrdə əməkdaşlığın gücləndirilməsi ilə bağlı fikir mübadiləsi aparıblar.

Görüşdə əlavə olaraq regional və beynəlxalq məsələlər də müzakirə olunub. Özbəkistan Misirin Yaxın Şərqdə sülh və sabitliyin təşviq edilməsi səylərini dəstəklədiyini bildirib və münaqişələrin siyasi və diplomatik yollarla həllinin vacibliyini vurğulayıb./trend.az

Səidov bildirib ki, "Özbəkistan Misirin Yaxın Şərqdə sülh və sabitliyin təşviqi səylərini və münaqişələrin siyasi və diplomatik yollarla həllinə sadiqliyini yüksək qiymətləndirir".