Ölümdən sonrakı ilk dəqiqələr: Kliniki ölüm zamanı şüurun fəaliyyətini davam etdirməsini göstərən yeni tapıntılar

Ölümün son və ya yeni bir başlanğıc olması bəşəriyyətin ən böyük sualıdır. Son illərdə kliniki ölüm keçirən və yenidən həyata qayıdan minlərlə insanın təcrübələri elmi dünyasını bu mövzuya daha ciddi yanaşmağa məcbur edib.

Pressline.az xəbər verir ki, kardioloqlar və nevroloqlar tərəfindən aparılan genişmiqyaslı "AWARE" araşdırması göstərir ki, ürək dayandıqdan sonra beyin fəaliyyəti bir neçə dəqiqə ərzində davam edə bilər. Reanimasiya olunan xəstələrin bir çoxu əməliyyat otağında baş verənləri, həkimlərin danışıqlarını və hətta ətrafdakı cihazların səslərini dəqiqliklə təsvir ediblər. Bu tapıntılar şüurun sadəcə beynin bir məhsulu olub-olmadığı və ya bədəndən asılı olmayaraq mövcudluğunu davam etdirib-etdirmədiyi barədə yeni elmi müzakirələrə yol açıb. Alimlər ölüm anında beynin yüksək səviyyəli bir enerji dalğası yaydığını və bunun "həyatın son parıltısı" ola biləcəyini qeyd edirlər.