“Vulverhempton” İngiltərə Premyer Liqasını tərk etdi

İngiltərə Premyer Liqasında 2025-2026-cı illər mövsümünün başa çatmasına bir neçə tur qalmış elitanı tərk edən ilk klub müəyyənləşib.

Pressline.az  xəbər verir ki, çempionatın XXXIII turunun sonuncu oyununda “Vest Hem” və “Kristal Pelas” komandaları arasında qeydə alınan heç-heçə (0:0) “Vulverhempton”un liqada qalmaq şanslarını itirməsinə səbəb olub.

Hazırda aktivində 17 xal olan Rob Edvardsın komandası turnir cədvəlinin sonuncu – 20-ci pilləsində qərarlaşıb.

Xatırladaq ki, “Vulverhempton” 2018/2019-cu illər mövsümündən İngiltərə Premyer Liqasında çıxış edirdi.//32gun.az