Avropanın bu yay ən populyar olacaq istiqamətləri açıqlandı - TOP-10

Pressline.az xəbər verir ki, bu barədə "Time Out" yazır.

Siyahı "Tripadvisor"un "yay səyahət indeksi” məlumatlarına əsaslanır və iyun–avqust dövrü üçün turist axtarışlarında illik artımı göstərən istiqamətləri əhatə edir.

İspaniya yay istirahəti üçün ən populyar ölkə olaraq qalır və Alikante birinci yerdə qərarlaşıb. Barselona və Mayorka çimərlikləri həmişə populyar olsa da, Alikante də palmalarla dolu sahilləri, şəhər çimərlikləri və aktiv gecə həyatı ilə sürətlə populyarlıq qazanır. Burada həmçinin sakitliyi və dəniz məhsulları ilə tanınan Tabarka adası da yerləşir.

Puntk edilir ki, Portuqaliyanın kiçik balıqçı qəsəbəsi Alvor siyahıda ikinci yeri tutub. O, çimərlikləri ilə məşhur olan Algarve regionunun mərkəzində yerləşir.

Üçüncü və dördüncü yerləri isə İspaniyanın Playa-de-Palma və Malaga kurortları bölüşür. Malaganın populyarlığı 20 ildən çox əvvəl Pikasso Muzeyinin açılışından sonra artmağa başlayıb və şəhər günəş, dəniz və incəsənət axtaran turistləri cəlb etməyə davam edir.

Digər populyar istiqamətlər arasında Polşanın Krakov şəhəri, termal hamamları ilə məşhur Budapeşt, eləcə də yaşıl təbiəti və pivə mədəniyyəti ilə seçilən Dublin yer alır.

* Alikante, İspaniya

* Alvor, Portuqaliya

* Playa-de-Palma, Mayorka, İspaniya

* Malaga, İspaniya

* Ksamil, Albaniya

* Krakov, Polşa

* Sitges, İspaniya

* Rodos, Yunanıstan

* Budapeşt, Macarıstan

* Dublin, İrlandiya