Minifutbol üzrə Azərbaycan millisi dünya reytinqində birinci pilləyə yüksəldi

Pressline.az xəbər verir ki, bu barədə Qaynarinfo-ya Azərbaycan Minifutbol Federasiyasından məlumat verilib.

Bildirilib ki, dünya Minifutbol Federasiyası (WMF) milli komandaların yeni reytinq cədvəlini açıqlayıb.

Siyahının ilk pilləsində son dünya çempionatının qalibi olan Azərbaycan millisi qərarlaşıb.

4 085 xal toplayan komanda tarixində ilk dəfə olaraq bu uğura imza atıb.

Reytinq cədvəlinin ikinci pilləsində 3 890 xalla son Avropa çempionu Serbiya yer alır. İlk üçlüyü isə 3 385 xalla Rumıniya komandası tamamlayır.