Trampın sözü ilə əməli uyğun gəlmir: Moskvadan ittiham

Tramp administrasiyası Ağ Evin keçmiş prezidenti Co Baydenin Moskvaya qarşı başlatdığı siyasəti davam etdirir.

Pressline.az… Bunu Rusiyanın xarici işlər naziri Sergey Lavrov “RT India”ya verdiyi müsahibədə bildirib.

O qeyd edib ki, Rusiya Trampın Kremllə başlatdığı dialoqa dəyər verir, amma əslində ölkələr arasında heç bir yaxınlaşma yoxdur. "Rusiya və ABŞ-ın qarşılıqlı faydalı, müasir, texnoloji, enerji və digər layihələr üçün nəhəng potensiala malik olduğu barədə çoxlu xoşməramlı sözlər deyilir. Amma əslində heç nə baş vermir", - deyə diplomatik şöbənin rəhbəri bildirib.

Lavrovun sözlərinə görə, Tramp Baydenlə eyni xətti davam etdirir, köhnə anti-Rusiya sanksiyalarını saxlayır və Moskvanı iqtisadi cəhətdən "cəzalandırmaq" üçün yeni təşəbbüslər irəli sürür.

Lavrov əvvəllər ABŞ-ı ikiüzlülü adlandırmışdı.