Sabah 56 mindən çox abituriyent imtahan verəcək

 Dövlət İmtahan Mərkəzi (DİM) tərəfindən mayın 24-də ali təhsil müəssisələrinə qəbul imtahanının ikinci mərhələsinin birinci cəhdi II və III ixtisas qrupları üzrə keçiriləcək.

Pressline.az xəbər verir ki, DİM-in yaydığı rəsmi statistikaya əsasən, sabah keçiriləcək imtahanlarda ümumilikdə 56 847 abituriyentin iştirakı nəzərdə tutulur. Onlardan 28 340 nəfəri məhz III ixtisas qrupu üzrə, 28 507 nəfəri isə II ixtisas qrupu üzrə biliyini sınayacaq.

İmtahanlar Bakı, Naxçıvan, Gəncə, Sumqayıt, Xankəndi də daxil olmaqla ümumilikdə 25 şəhər və rayonda təşkil olunacaq və saat 10:00-da başlayacaq. Abituriyentlərin imtahan binasına buraxılışı saat 09:45-də başa çatacaq.

Qeyd edək ki, III qrup üzrə həm Dil-Tarix (DT), həm də Tarix-Coğrafiya (TC) altqruplarının hər ikisini seçən abituriyentlər üçün coğrafiya fənni üzrə əlavə imtahan isə iyunun 7-də keçiriləcək./nocomment.az