Hörmüz boğazı böhranı: dünya iqtisadiyyatı necə təsirlənir?

Pressline.az xəbər verir ki, Hörmüz boğazı dünya neftinin təxminən 21%-nin keçdiyi strateji məkan sayılır. 2023-cü ilin sonuna qədər boğazdan gündəlik olaraq təxminən 21 milyon barrel neft tranzit edirdi. Hər hansı hərbi gərginlik və ya blokada bu tədarükü dərhal təhlükəyə ata bilər və qlobal neft qiymətlərinin sürətlə yüksəlməsinə səbəb olur.

2019-cu ildə İran və ABŞ arasında gərginlik artanda, Hörmüzdə neft tankerinə hücumlar baş verdi və dünya bazarında bir barrel xam neftin qiyməti qısa müddətdə 5%-dən çox artdı. Bu nümunə göstərdi ki, boğazdakı hər hansı hadisə qlobal enerji təchizatına və iqtisadi stabilliyə birbaşa təsir göstərir.

Eyni zamanda, Hörmüzdən keçən neftin əsas alıcıları – Çin, Yaponiya və Hindistan – alternativ marşrutlar axtarmağa başlayır və bəzi hallarda Qırmızı dəniz və Afrika sahilləri üzərindən əlavə tranzit yolları istifadə olunur. Bu da nəqliyyat xərclərini artırır və idxal-ixrac əməliyyatlarını yavaşladır.