6 bal gücündə zəlzələ baş verib - Yaponiyada

 Yaponiyanın şimalındakı Hokkaydo prefekturasında 6 maqnitudalı güclü zəlzələ qeydə alınıb.

Pressline.az yazır ki, bu barədəAvropa-Aralıq dənizi Seysmoloji Mərkəzinin (EMSC) məlumat yayıb.

Yeraltı təkanların episentri təxminən 173 min nəfər əhalisi olan Obihiro şəhərindən 30 kilometr cənub-qərbdə yerləşib və zəlzələ ocağı 79 kilometr dərinlikdə aşkarlanıb.

Hazırkı məlumata əsasən, təbii fəlakət nəticəsində xəsarət alanlar və ya dağıntılar barədə heç bir məlumat daxil olmayıb. Həmçinin, rəsmi qurumlar tərəfindən sunami təhlükəsi elan edilməyib.