T Ə B R İ K L Ə R

Nizami, hər şeydən əvvəl səni təbrik etməyi özümə bprc bilirəm. Çünki səni uzun illərdir ki, tanıyıram və  bu tanışlığımızın və dostluğumuzun  tarixi 60 ildən çoxdur. Mənim 93 yaşım olsa da o illəri çox yaxşı xatərlayıram. Onda sən Qubadlı rayonu Hal kınd orta məktəbinin 11-ci sinfində oxuyurdun və mən peşəkar bir jurnalist kimi sizin məktəbdən yazmağa gəlmişdim. Məktəb rəhbərlərinin xahişi ilə  səninlə xeyli söhbət etdik. Sən də jurnalist olmaq arzunu bildirdin. Söhbət zamanı hiss etdim ki,  yaradıcılıq potensialın- dilin, fantaziyan, təxəyyülün olduqca güclüdür. Məhz bunun nəticəsidir ki,  50 ildən çoxdur ki,  jurnalistika sahəsində işləmiş və uğurlu nəticələr qazanmısan. İndi sən  “Presline.az” saytını təsis etməyin münasibətilə təbrik edir, ən xoş arzularımə bildirirəm. Sən bacarıqlı və istedadlısan. İnanıram ki,  ağır, çətin bir zamanda   “Pressline.az” platforması rəqəmsal dünyada  öz sözünü deyəcək, həmişə haqqın, ədalətin, doğru sözün, dürüstlüyün, aydınlığın, şəffaflığın yanında olacaq! Bu münasibətlə işdə  sənə və kollektivinizə möhkəm cansağlığı və yeni- yeni uğurlar arzulayıram.

Ərşad  ƏZOMZADƏ:

Peşəkar jurnalist, yazıçı, loğman, təbii üsullarla müalicə üzrə mütəxəssis, “Ana təbiət” Natural  Gigiyena Mərkəzinin direktoru.