T Ə B R İ K L Ə R

Nizami müəllim, təsis etdiyiniz  “Pressline.az” saytının  işıq üzü görməsi münasibətilə sizi təbrik edirəm. Biz sizi peşəkar və təcrübəli bir jurnalist kimi tanıyır və inanırıq ki, həmişə azad sözü, azad fikri, sərbəst düşüncəni  müdafiə edəcək və bu yüksək dəyərlərə hörmətlə yanaşacaqsınız. İnamla deyərdim ki, sayıtınizin səhifələrində yaradıcı qüvvələrə, o cümlədən  gənc yazıçı və şairlərə geniş yer verəcək və onların  ədəbi örnəklərini   müzakirələrə çıxaracaqsınız.  Təklif edərdim ki, bu sahədə xüsusi bölmə yaradardınız.  Beləliklə, yeni açılacaq bu bölmə, bir növ,  ədəbiyyat və incəsənət xadimlərinin, nümayəndələrinin, bir sözlə, sənət adamlarının əsil tribunasına çevrilərdi. Düşünürəm ki, bu, çox faydalı olardı, müzakirələr açılar, fikir mübadiləsi aparılardı.  Siz fikir, düşüncə sahibi, söz adamı olduğunuz üçün inanıram ki, bu, çox yüksək səviyyədə öz həllini  tapa bilər

Nizami müəllim, sizi və “Pressline.az” kollüktivini bir daha ürəkdən təbrik edir, səmimi və xoş istəklərimi çatdırır, ən əsası, möhkəm cansağlığı, güclü işbirliyi, möhkəm iradə və dözüm arzulayıram. Ulu Tanrı yardımçınız olsun.

Nəcibə İLKİN,

Azərbaycan Yazışılar və Jurnalistlər Birliyinin üzvü, Prezident təqaüdçüsü, “Qızıl qələm” mükafatı laureatı.