İsrail Müdafiə Qüvvələri Hizbullah dronlarına qarşı yeni silah sistemi hazırlayır

İsrail ordusu dron təhdidlərinə qarşı yeni silah texnologiyası üzərində işləyir. Yeni mərmilərin yaxın aylarda istifadəyə veriləcəyi gözlənilir.

Pressıine.az xəbər verir ki, İsrail Müdafiə Qüvvələri Hizbullah dronlarına qarşı istifadə üçün yeni silah sistemi hazırlayır.

Məlumata görə, söhbət M-16 və Tavor tüfəngləri ilə uyğun olan 5,56 mm-lik xüsusi bölünən güllələrdən gedir.

Bildirilir ki, hər güllənin daxilində beş polad kürə yerləşir. Bu texnologiya atəş zamanı təsir radiusunu təxminən 30 metrədək artırır və havadakı dronların vurulması ehtimalını yüksəldir.

Mənbələrin məlumatına əsasən, İsrail Müdafiə Qüvvələrinin quru qoşunları nümayəndə heyəti bu yaxınlarda ABŞ-da sınaqlar keçirib.

Sınaqlardan sonra ordunun yüz minlərlə patron alınmasına qərar verdiyi bildirilir. Çatdırılmanın yaxın aylarda həyata keçiriləcəyi gözlənilir.

Beləliklə, İsrail ordusu regionda artan pilotsuz uçuş aparatları təhlükəsinə qarşı müdafiə imkanlarını gücləndirməyə çalışır./EDnews