HİKMƏTLİ  BEYTLƏR

                                                               

                            4 cildlik “ HİKMƏT  XƏZİNƏSİ”,   1- ci cild.

                     

              

ON YEDDİNCİ HİSSƏ 

 

 

     HİRS – HAMI OXUSUN 

Qıcqırıb tökülsə xəmir tabaqdan,

Özü məhrum olar həmin tabaqdan.

***

Hirsin vurarsa bir gün sənin başına,

Çalış, gəlmə bir kəsin bəd qarğışına.

***

Hirsli səbir tapmasa, hirsi güc gələcək,

Qızmış hirsli bir başla xətalar törənəcək.

***

Hirsini ram etməsən, xata sovuşmayacaq,

Hirs də bir xəstəlikdir, birin yaxalayacaq.

***

Çox gördüm öz hirsini sözü ilə söyləyən,

Heç görmədim hirslini bircə nəfər bəyənən.

***

Töksən öz hirsini sən ilan tək sancıb,

Görərsən ətrafından hər bir kəs qaçıb.

***

Görmədim bəyənən hirsli sözləri,

Çünki bir hirslinin görməz gözləri.

***

Gər olsa hirsli başda bir azca ağıl,

Hirsli anda xatırlar hardadı ağıl.

***

Hirs ilə getsən əgər sən bircə yolu,

Ayağa tikan batar, görməzsən kolu.

***

Bir hirslidən soruşdum nədir xeyir- şər?

Gördüm ki, insanlıqdan qalmayıb əsər.

***

Tökdü bir kəs hirsini sağa, gah sola,

Hirsli başda kaş o an bir ağıl ola.

***

Hirsin gətirsə də ağzından köpük,

Hirsliyə nə öyüd?-o sanki kötük.

***

Görmədim hirslidə barış, mərhəmət,

Hirsini ram edən qazanar hörmət.

***

Hirs ilə çapsa biri mindiyi atı,

Ya özü yıxılacaq, yada ki atı.

***

Görsən sən dünyanı hirsli göz ilə,

Onu vəsf edərsən hirsli söz ilə.

***

Hirs ilə yanaşsan bir gözəl gülə,

İstəməz o gül də üzünə gülə.

***

Hirs ilə atılsa hər hansı addım,

Deyərsən, yadımdan çıxdı öz adım.

***

Ram edilməsə hirs gələn zaman,

Əlinə düşməz, bir də həmin an.

***

Hirs bir xəstəlikdi, kim kin saxlarsa,

Təbib tək özüdür, boşdur axtarsa.

***

Ram elə hirsini hirsi ələ al,

Hirsini unudub, bir az fikrə dal.

***

Cilovu tutmasan, şahə qalxar at,

Hirsini unut sən, bir qırağa at.

***

Hirsin öz başında dövr etsə sənin,

Ağlını başından çıxardar sənin.

***

Hirsindən qidalansa dediyin sözün,

Çoxunun halını pozarsan özün.

***

Etməsin hirsin səni məğlub heç zaman,

Çünki hirslə yaşayan törədərcək qan.

***

Hirsliyə cavab vermə, oda yağ tökmə,

Hirslini qızışdırıb, alov törətmə.

***

Yaşa dünyanı keflə, nə işin var bu hirslə?

Pis keçən günün ömrü çox uzanar bu hirslə.

***

Dünyanın var yüz üzü, utanar hirsli üzü,

Hirsi soyuyan zaman qızarar hirsli üzü.

***

Mən tapdım bu dünyada iki xoşsifət:

Kinsiz və hirssizdə xoşdur xoşxasiyyət.

***

Hirs ilə danışan unudar özünün, sözün,

İdarə edə biməz nə sözün, nə də özün.

***

Umma sən hirsli başdan bir azca ağıl,

Hirsli kəsin başında hardadı ağıl?

***

Anlatdım uzun-uzadı bir neçə kəlmə,

Hirs ürəkləri üzməsin heç ilmə-ilmə.

***

Yazdım hirsdən mən də bir azca geniş,

hirslə göyə qalxma, sən axtar eniş.

***

Nifrət etsən bir kəsə, səni kin hey kəsəcək,

O kəslə hər söhbətdə nifrətin görünəcək.

***

Kin saxlama heç kəsə, çün nifrətə dönəcək,

Nifrət etsən bir kəsə, kin doğrayıb-kəsəcək.

***

Barış içində yaşa, o baxmaz yaşa, başa,

Sən barışı bəyənsən, oxun da dəyməz daşa.

***

Etmə nifrət həyata, kin qoyma barışa çata,

Mülayim xasiyyətlə dünyanı barışla yaşa.