HİKMƏTLİ BEYTLƏR                                               

                       4 cildlik “ HİKMƏT  XƏZİNƏSİ”,   1- ci cild.

       

              

                                                                                       

ON  ALTINCI  HİSSƏ

EŞŞƏK BELƏ İTİRMƏZ

              

 

Daşları qırıb, yonub sonra evlər qurarlar,

Heç gördünmü, dağ boyda daşlardan, ev quralar?

***

Nifrəti sındır, qoyma qalaraq hiddət olsun,

Nifrətin çoxaldıqca qalıb kin-küdrət olsun.

***

Nifrət bir ot ki, əkən olmasa, heç cücərməz,

Xeyirxahlıq elə ki, eşşək belə itirməz.

***

Nifrət bənzəyər sanki torpaqdakı çayıra,

Təmizlə onu, qoyma öz cilini artıra.

***

Bil ki, nifrətlə hiddət od püskürən cəhənnəm,

Özünü uzaq tutsan, xeyirxahsan biləcəm

 

             GÖZ YAŞI RƏGLİDİR

             

Axıtma gözlərindən necə gəldi göz yaşı,

Onlar da müxtəlifdir – hər cürədir göz yaşı;

***

Göz yaşı var qapqara, ya da billurtək sudan,

Göz yaşı var baxanın ürəyini qanadan.

***

Göz yaşı var rənglidir, bilinməz ağdı, qara,

Göz yaşı var axarsa, yaxşıca gələr kara.

***

Göz yaşı var ağladar, ürəkləri parçalar,

Göz yaşı var zalımın ürəyinə rəhm salar.

***

Axıtmasın heç kimsə göz yaşını ürəkdən,

Onun tək bir adı var, o yaş gəlir sevməkdən

***

Sevinir göz yaşı da, onun da ürəyi var,

Göz yaşıyla gülənin bil ki, xatirəsi var.

***

Göz yaşının yalanı, yalançısı olar çox,

O göz yaşından qorun, onun hiyləsindən qorx.

***

Əgər yalançı olsa göz yaşını axıdan,

Sanki suyu tökürsən deşilmiş aftafadan.

***

Kaş ki, nəsib olmasın kimsəyə yaş ürəkdən,

Onda inildəyəcək ürək qan-yaş tökməkdən.

***

Göz yaşıyla kam alıb, məqsədə çatmaq istər,

Gözlərini özü tək yalançı öyrədənlər.

***

Göz yaşı yaş gətirər, ürəkdən dərd sökülər,

Ağlamayan dərdli öz qəlbində daş gəzdirər.

***

Dərdini gizləsən də, aşkar edər gözlərin,

Çünki gözlər söyləyir qəlbin istədiklərin.

***

Dolsa gözlər, dübarə, axmasa, bir çarə yox.

Arsız göz yaşı görsə, onun üçün fərqi yox.

***

Bir dərd əhli olsa da cani dildən ağlayan,

Göz yaşının dili var, bilməz bunu ağladan.

***

Olsam da mən ağlağan, səbəbsiz ağlamaram,

Çəkilərəm bir küncə, xəlvətdə ağlayaram.

***

Dərd doldusa içinə, bir ağırlıq edəcək,

Hətta gözün bixəbər özü nisgil çəkəcək.

***

Baxşb, baxıb göylərə, dərindən ah çəkəcək,

Dolar buludlar kimi, qəfil sellər tökəcək.

***

Axıt dərdin var isə, qorxma kimsələr bilsə,

Göz yaşı axıtmayan varmı görən bir kimsə?

***

Təpik dəysə böyrünə, hirsindən gözün ağlar,

Qonşular yalan ağlar, doğrusun “öz”ün ağlar?

***

Göz yaşı var, ürəkdən silib atır dərdləri,

Hıçqırtıyla hayqırır, puç olsa diləkləri.

***

Göz yaşı var titrədir vicudda hər əzanı,

Adam var ki, yaş tökər eşidəndə azanı.

***

Göz yaşı var istəyir axa tənha xəlvətdə,

Onun da abırı var, səbəb arda, ismətdə.

***

Əgər istəmirsənsə görsünlər göz yaşını,

Onda sən parçalama qəlbinin dərd daşını.

***

Ürəyindən qoparıb tulla o dərd daşını,

Bax ki, əzib qanatma bir özgənin başını.

***

Ağlatmadım bir kəsi bu qoca dünyada mən,

Amma dünya ağladır məni gəldiyim gündən.

***

Kövrək qəlb sahibinin işi yaman fənadır,

Qəlbinə meh toxunsa, ürəyini qanadır.

***

Kədər şehi tökülməz dərdin olmasa, gözə,

İnsafın olsun, ürək, göz nə qədər yaş süzə?

***

Gözlərdə yaş nə gərək, yaş dilin, gərək, bilək,

Köz-köz yansa da ürək, yaş közü söndürəcək

***

Gələndə bu dünyaya ağlayırıq özümüz,

Gedəndə də ağladıb gedirik hər birimiz.

***

Ağlama, ey gözlərim, sənin də qiymətin var,

Namərd yanında sus ki, olar sənə-mənə ar.

***

Kədər bürüsə səni, göz yaşı boğar səni,

Bir gün dünyadan getsən, göz yaşı yuyar səni.

     

HAQQIN DANILANDA

           

 

Haqqın danılanda tapmasan səbir,

Görərsən qazıldı sənə bir qəbir.

***

İnsan pis əmələ deməz kifayət,

Etdiyin özünə sanar bir şöhrət.

***

Yaradan gecəni qaranlıq edər,

Ay-ulduzla ona aydınlıq verər.

***

Dünya da belədir- oğru, paxıl… çox,

Sanma ki, hikmətli, cəsarətli yox.

***

Olmasa pis insanlar,

Dəyər tapmaz yaxşılar.

***

Nizamı çox dəqiq tutub Yaradan,

Həm aqil xəlq edib, həm də ki, nadan!

***

Əgər ki, pis, insan dünyada yoxsa,

Bilinməz birində yaxşılıq varsa.

***

Dünyanı insançın Xaliq yaradıb,

İnsanın içinə min dünya sığıb.

***

Bir kəsin qəlbinə sən qonaq getsən,

Könül dünyasının sayın bilməzsən.

***

Kim “insanam”deyər, peşman olarsan,

Ya deyərsən:- özün insan olubsan?

***

İnsan bir ümmandır, bir kainatdır,

Torpaq da torpağa son əmanətdir.

***

Bənzəyər sanki mələyə,

Görərsən salıb kələyə.

***

İnsan var, uzaqdır, yaxın olar qohumdan,

İnsan var, yaxındır, dönüb baxmaz uzaqdan.

***

Nankor daim sənin süfrəndən yeyər,

Bir gün kürəyindən xəncər pərçimləp.

***

Cücüdən ta divəcən güc gələr, insan əzər,

İnsan etdiyinə, insanlar təəssüf edər.

***

İnsan var ki, hər kəsə verər dərd-zillət,

Özünə olandasa qopar qiyamət.

***

Öz əməlin özü görməz,

Özgə işin də bəyənməz.

***

Bu yaşacan gördüm mən nələr.., nələr!

Çoxusu insandan gələn hiylələr!

***

Yaxşı ki, Allah qorxusu var bəzi insanda,

Yoxsa insanlıqdan əsər qalmazdı cahanda.