HİKMƏTLİ  BEYTLƏR

                                      

                    4 cildlik “ HİKMƏT  XƏZİNƏSİ”,   1- ci cild.

 

              

                                                                               

      

ON  ÜÇÜNCÜ HİSSƏ

——————————-

AZALMASIN  QEYRƏTİN

( Ardı )

 

 

 

Əvvəl- axır var işdə,

Dad damaqda, güc dişdə.

***

Alov yanar təndirdə,

göz ağrısı o hisdə.

***

Xeyrin özün görməsən də,

Sən tənbəllik etmə işdə.

***

Xeyirin yoxsa peşəndə,

Səhv etmə onu seçəndə.

***

Yeməyi seç hər yeyəndə,

Peşman olma həzm edəndə.

 

 

                             QƏLB OYUNU

 

Nifrətə qapı açar, hər bir sevgi, məhəbbət,

Nifrətlə qoşa yaşar böyük sevgi və həsrət,

***

Bir anlıq qığılcımdır, nifrət eşqi yox edər,

O möhtəşəm sevgini nifrət bir anda silər.

***

Sevginə inanma ki, hər zaman o olacaq,

Bir gün ölərsə sevgi, bəlkə nifrət qalacaq.

***

Təhlükəli oyundur, bu məhəbbət oyunu,

Sevgi yaşasan, demə görərəm öz toyumu.

***

Sevgiyə aldanarsan, görəməzsən toyunu,

Sevgi başı bəlalı, yalançı qəlb oyunu.

***

Bir çoxları uduzdu bu bəlalı oyunu,

Yatma şirin yuxuda ki, görəsən toyunu.

 

Bu sevgiyə inanıb, qarışdırma yuxunu,

Yarına bel bağlama ki, edəcək toyunu.

***

Hər sevgi əsl olsa, Əsli, Leylisə, yetər,

Hər kəsin Qeys olmağa səncə, qeyrəti yetər?

***

Şirin eşqiylə Fərhad dağı çapdı hünərlə,

Ömrünü başa vuran qaldı az arvad ərlə.

***

Bir sözə görə deyər: Xoş gəldin, qapı açıq!

Kimi qapı bağlamaz, deyər: Get, qapı açıq!

***

Görən, qeyrət azalır, yoxsa nifrət çoxalır

Əfsus,nifrət çoxalır, qeyrət isə az qalır

***

Bağışlamaq yox olub, özgəyə verir qərar,

Yolun azmış sevilir, nə ki, evdəki pərgar.

 

 

               BAŞINI QORU

 

Sən başını qoru ki, başın işə qarışsın,

Başına sahib çıx ki, pis işə qarışmasın.

***

Başın səni ucaldır, ya yerəcən alçaldır,

Başına bax, başını, vallah, başdan çıxardır.

***

Başbilən olur o baş ki, ağılla dillənir,

Hər başın dediyin yox, ağıllı söz söyləyir.

***

Bir başdan darı boyda əgər ağıl itirsən,

Ağlı itən o başdan daha nə gözləyərsən?

***

Başın itərsə bəzən,

Kimdi səni bəyənən?

***

Başın olsa da ən ucada,

İçi boşsa, neylir ucada?

***

Kaş ki, abır -həyadan baş dikəsən aşağı,

Bunları itirməkdən olma başıaşağı.

***

Ağılsız kəs bir gün otursa da ucada,

Bilərlər ki, o basin yeri deyil orada

***

Bir taxta çıxarsa içi boş olan baş,

Ölkənin əhalisi qalacaq çaş- baş.

***

Başdı səni fırladıb, hər tərəfə hərləyən,

Başın olmasın səni gah tərlədən, gah əyən.

***

Başın xidməti çoxdur, qiymət də qoyulur çox,

Qarına, ya mədəyə elə qiymət qoyan yox.

***

Başdı səni, özgəni öz ağlıyla hərləyir,

Ona görə cəlladdan kəllə cəza gözləyir.

***

Dostluq eyləyərsən basına başınla,

Səni yolda qoymaz aparar ağılla.

***

Olmasa da o başdan bircə gileyli,

Sən yenə pis işlərə heç salma meyli.

***

Ağıllı başdan əgər yapışsan iki əlli,

İşlərin irəli gedər tamam-kamal əməlli.

***

İçi boş baş bənzər içi bom-boş qarpıza,

Ağıl sahibisə layiq ipək, atlasa.

***

Başına sahib olmasan, oxsarsan arxasıza,

Basın sahib sıxmadısa, dönərsən yaramaza.

***

İçi boş başla qaçsan, bir yerə də çatmazsan,

Ağılla asta getsən, istəyinə çatarsan.

***

Başın sənə gətirmirsə bircə dənə alçaqlıq,

Bəs onda niyə o başa edirsən sən alçaqlıq?

***

Allah başı bədəndən lap ucada yaradıb,

Onu heç bir əzanın önündə alçatmayıb.

***

Tövsiyəm budu ki, heç vaxt başı itirmə sən,

Tövsiyəmi unutsan, bəs onda nə edərsən?