HİKMƏTLİ  BEYTLƏR 

                                    4 cildlik “ HİKMƏT  XƏZİNƏSİ”,   1- ci cild.  

 

                

 

 

          YEDDİNCİ HİSSƏ

 

“Kəramətin böyük olsun, bizi yoxdan ey var edən,  

Həyat əgər bir imtahan, onu da ağır etmə sən”. 

*** 

Məşəl kimi yollarına işıq salsın, düz olanlar,  

Yollarında yoldaş olsun, daim qüsursuz olanlar. 

*** 

Zəfərlərin adil olsun, çünki həyat imtahandır.  

Etmə elə əməli ki, onu etmək qadağandır. 

*** 

Könül dostun tək bir olsun, hər qapıya bir qıfıl bəs.  

Ehtibarı bir qıfila et, ukunci olar əbəs. 

*** 

Minnət-sunnət ilə bir iş, ya bir sey vermə bir kəsə.  

Verdiyindən, ya etdiyindən, zərər vermyəsən nəsə. 

*** 

Qərəz etmə, əgər sənə bir kimsədən gəlib zərər,  

Qəsdi-qərəz, san çərəzdir, çox yedikcə zərər verər. 

*** 

Yarın səni bir nadana dəyişibsə, tayın tapıb,  

Sən də unut, tap babını, batma qəmə xatırlayıb. 

*** 

Müyəssər olmasa bir iş, yapış özgə bir əməldən,  

Öz işinin ustadı ol, adam olmaz bir tənbəldən. 

*** 

Niqabın ismətin olsun, tökülməsin abır- həyan, 

İnsanlığı unutma sən, ağlın olsun sənə həyan. 

*** 

Olma nəfsin ucbatından tərəzidə əskik çəkən, 

 Zərrəcə gəbahətinlə bir dünya gunah edərsən. 

*** 

Qandal kimi bağlanma sən sevdiyinin ayağına,  

Sevdiyin qoy düşünməsin dolaşırsan ayağına. 

*** 

Tövbə elə vaxtinda ki, günahın yuyula burda,  

Tövbədən sonrakı əməl, kömək olar sənə orda. 

*** 

Xırmanda sovrulsa dən, o da ayrılar sünbülündən,  

Nəfsinə uyub ayrılma düz yoldakı əməlindən. 

*** 

Ustad özü dərs öyrədər, şagirdlərin yetişdirər,  

Hər ustanın ustadlığı şagirdlərindən bilinər. 

*** 

Dəyirman dən yütsə də, çax-çax daşada pay düşər,  

Yetimə bir tikə versən, adın sağ dəftərə düşər. 

*** 

Qönçə gül haray saldı ki, dərmə, qönçəyəm, ey fələk!  

Dərmək istəsə, baxmaz ki, qönçə, ya güldür – dərəcək! 

*** 

Gəncliyinin gözəlliyi hələ bəsdir şux hüsnünə,  

Qocalanda bu süslənmək kar edəmi gül üzünə? 

*** 

Mey içmiş bir sərxoş kimi olma, ömrü ayıq yaşa,  

Ağıllı işlə, əməllə bəla gəlməz ayıq başa. 

*** 

Meyxanədə məst olaraq, orda- burda qalmayasan,  

Ayıq ol ki, öz evində, sən bir işə yarıyasan. 

*** 

Sərsərilər kimi gəzmə boş-boş avara kimi sən,  

Bir kitabı varaqla ki, bəlkə, nəsə öyrənəsən. 

*** 

Borc alsan qaytar, istəsən, deməsinlər, daha Yoxdur!  

Etibarsız, yalançıya verən də deyər ki, Yoxdur! 

*** 

Könlün şam kimi əriyir peşmanlıq çəkən zaman,  

Peşiman olmamışdan düz iş gör, var ikən zaman. 

*** 

Sütül bir qarğıdalıdan heç də yaxşı dən olmaz,  

Hərb meydanı gər olmasa, cəngavərlər doğulmaz. 

*** 

Növrağımı pozdu mənim, nə edim, zülm etdi fələk?  

Bəla fələkdən gəlibsə, kim dayandıra biləcək? 

*** 

Çevrəsindən necə çıxım, axı nəzərindəyəm,  

“Gəl”dedi, gəldim, “çıx”desə, Onun qələmindəyəm. 

*** 

Şəfqətini əsirgəmə xəstə, aciz, yetımdan,  

Tanrı səfqətlə yanaşsın sənə mərhəmətindən. 

*** 

Fəqət mənim yolum hara?- deyəsən, çatib sona.  

Keşkə, yaradandan mənə orda mərhəmət ola. 

*** 

Qulağında, boğazında gözəl cəvahirətin var,  

Söylə görüm, o dünyaya aparmağa bəs nəyin var? 

*** 

Gözəlliyin ağıl alır, sən boş başlara bəlasan,  

Gözəlliyi pünhan saxla, alovlarda yanmayasan. 

*** 

Şəbnəməm, gecə doğulub, gün çıxanadək yaşaram,  

Sübh çağı, əl-ayaq yuyub, günortayadək qalamam. 

*** 

Sübh çağı durmasan ki, işlərini görəsən,  

Gün sonu bax, hirsini hər kəsə tökməyəsən. 

*** 

Nəzərə birin salma, o da xeyirxah baxsın,  

Paxıllıqdan uzaq ol, gözlərindən nur yağsın. 

*** 

Boş vaxtıni zay etmə, hər dəqiqən ömürdən,  

Mənasız keçirdiyin vaxt da gedir ömründən. 

*** 

Vədə gəldi, vaxt tamamdır, ömrümə günmü calandı?  

Özümdən başqa, deyəsən, hər bir sey burda qalandı. 

*** 

Mürgüləmə, ayıq kimi ya dur, ya yat yatan kimi,  

Həyatını bada vermə gəmiləri batan kimi. 

*** 

Xumar- xumar baxma elə, özüm də xumaram mən,  

Yaşadığım həyata, xumar gözlə baxıram mən. 

*** 

Bir acı söz neştər olub, batır qəlbimə dərindən,  

Sancandan başqa neştəri varmı çıxaran yerindən? 

*** 

Bir acı söz söyləsən, bir ürəyi qırarsan,  

İnsafa gəlib, onun könlün özün alasan. 

*** 

O həyat çeşməsindən kim su içdi, görəsən?  

Xızırdan başqa birin heç duymadım, deyəsən. 

*** 

Gəlibsən, xoş gəlibsən, ömrün xoş olsun deyə,  

Dünyada elə yaşa, dərd olma bir kimsəyə. 

*** 

Ömür qısa, həyat əbədi, dünya bizə müvəqqəti,  

Bu ömürü elə yaşa ki, itirməyəsən hörməti. 

*** 

Dünyadan belə yapışma, qalan olmadı burda,  

Doğru yaşa, halal yaşa, lazımın olar orda. 

***  

Həqarat etmə belə, düşmən də olsa sənə,  

Həqaratı sevmirəm, etməsin kimsə mənə, 

 

Nifrin ürək soyudur, dil acıyır deyəndə,  

Nə yazılıb, o olur, hikmət gəzmə nifrində.