Braziliyada təyyarə yaşayış binasına çırpılıb, ölən və yaralananlar var

 Braziliyanın Minas-Jerays ştatının paytaxtı Belo-Orizonti şəhərinin şimal-şərqində yerləşən Silveira rayonunda kiçik bir mühərrikli təyyarə yaşayış binasına çırpılıb.

Pressline.az xəbər verir ki, bu barədə “Globo” məlumat yayıb.

Təyyarə yerli vaxtla saat 12:16-da eyni ştatın paytaxtında yerləşən Pampulya aeroportundan havaya qalxıb.

Yanğınsöndürmə xidmətinin məlumatına görə, qəza zamanı təyyarənin göyərtəsində 5 nəfər olub. Pilot və bir sərnişin həyatını itirib, digər 3 nəfər yaralanaraq João XXIII xəstəxanasına yerləşdirilib.

Binada olan heç kim xəsarət almayıb.

Yanğınsöndürmə xidməti tərəfindən binadakı bütün sakinlər təxliyə edilib./unikal