XALİDƏ HİCRAN
HİKMƏTLİ BEYTLƏR
4 cildlik “ HİKMƏT XƏZİNƏSİ”, 1- ci cild.
ON SƏKKİZİNCİ HİSSƏ
HİSSLƏR-DUYĞULAR…
“Ağıl sənin tacındır, hissindən uca,
Hiss çılğın gəncdir, ağıl təmkinli qoca”.
***
Çırpınar düyğular dilə gələndə,
Ürək daşa dönər hiss etməyəndə.
***
Vay o gündən dona, buz bağlaya hiss,
Onda hissininizi hiss eyləməzsiz.
***
Beş duyğu verildi, beş hissi duyaq,
Hissin cilovunu ağılla tutaq.
***
Hissin həssas olsun, hirsin az olsun,
Həssaslıq hissini ortaya qoysun.
***
Hissində aldanma, həssas ol, yetər,
Hissinə aldanma, sən düz ol, yetər.
***
Həssaslıq açardır, qapılar açar,
Həsasslıq çox düyün işləri açar.
***
Arxayın olma, sirrin deyil aşkar,
Həssaslar o sirri qulaqsız duyar.
***
Həssaslıq əsadır – əlində gəzər,
Gözün görməsə də, hissin gəzdirər.
***
Həssas olan ürək insanı bəzər,
Hissiz bir ayağı hər an daş əzər.
***
Həsasslıq bir nurdur, hisslərə hakim,
Həssasa nə dərman, nə loğman-həkim?
***
Duyğun icra etsə hiss buyurduğun,
Elə dayan, basma ilan quyruğun.
***
Aldanmış hislərə olsan da təkim,
Hissində aldanma, ol ona hakim.
***
Hissinə aldanıb ağlı unutsan,
Gərək hissdən əvvəl sən oyanasan.
***
Hissini buraxsan başlı-başına,
Nə oyun var açar sənin başına.
***
Hissinə heç qoyma sən özbaşına.
Bəla olar bir özgənin başına
***
Hissini hiss eylə, ona hakim ol,
Hissinə əyilmə ona, təkim ol .
***
Hissini coşdurma, həvəsdə dayan,
Həvəsə çatmamış ağılda dayan.
***
Həvəslə ağılı sən birgə tutma,
Ağıldan sordunsa, həvəsdən sorma.
***
Ağılı unudub hissinə uyma,
Hissinə aldanıb həvəsə uyma.
***
Hansını itirsən, başa bəladır,
Onları bəxş edən Allah-taladır.
***
Gələr hər iş başa biri olmasa,
Nə edə bilərsən ağlın olmasa?
***
Ağılın hissiylə görülən iş faydadır,
Ağılsızın hissi fəlakətdir, xətadır.
***
İKİ FƏRQLİ ÖLÜM VAR
Bəzən unudulmayır ölüb gedən bir insan,
Bəzən yaşarkən belə çıxır elin yadından.
***
İki fərqli ölüm var, biri diriykən ölüm,
Bunun hər ikisinə lazımdır səbr-dözüm.
***
Əsl ölü daşıyır soyuq məzara köçün,
Diriykən ölən isə daşıya bilmir yükün.
***
Əsl ölümdən betər gündə yüz dəfə ölmək,
Ömrü əzabla sürmək ölümdür, budur gerçək.
***
Bəzən mənim özüm də ölməmişdən ölürəm,
Bir öləni görəndə, bax onda dirilirəm.
***
Dərsini al, ey insan, lazımmı sağkən ölmək?
Əsl ölum gözləyir, gəl bir az deyək-gülək.
***
Könül qırıb, yanıma sən gəlmə üzüqara,
İndidən dost-tanışı gəz, axtar tap, bir ara.
***
Bir məsumu ağladıb, ona baxıb şadlanıb,
O kəslə bir dünyada yaşamaq olur ayıb.
***
Nə insanda ürək yox, nədə ki, üzdə mürvət,
Getdikcə insanlığı basır zülmət, cəhalət.
İNSANLIQDAN KÜSDÜM…
Qəlbimiz də döyünür tanrının saatıyla,
Nasazlıqdan dayanmır, durur əmr vaxtıyla.
***
Qəlbimiz ömür boyu bizimlə bir addımlar,
Hirsli anda bizimlə hirslənib təbdən çıxar.
***
Qaçanda qəlbimiz də tövşüyür bizdən betər,
Dərdin sandığıdır o, yükü bizdən beşbetər,
***
Bir ovuc ürəyə biz sevgi- kin yaşadırıq,
Ürəyi daş olanın əlindən ağlayırıq.
***
Qəlb də təmizlik sevir, onu heç çirkləndirmə,
Çirkli qəlblə heç kimi özündən diksindirmə.
***
Ey gözəl insan, üzmə heç kəsi, bəs de daha!
Allahı tanı daha, bu gələr sənə baha.
***
Bu dünya doyumsuzdur insanın gözü kimi,
Nankor canlı görmədim inasanın özü kimi.
***
İnsan həyatı boyu gah şaddır, gah da qəmgin,
Güləndə gözü gülür, ağlayanda sel təkin.
***
Göz qoyduqca insana əlimə aldım qələm,
Özüm də bir insanam, istəməm geri gələm.
***
Dost var, keçir yanımdan özgə bir məxluq kimi,
Bir salamı verməyir, qılınclayır kölgəmi.
***
Bu gün səninlə dostdur, sabah yaddan çıxırsan,
Ən böyük zərbələri bəzən dəstdan alırsan.
***
Bəyənirəm dünyanı, qınayıram insanı,
Gedən üçün ağlayır, əzizləmir qalanı.
***
İnsan müdhiş varlıqdır, özü kimisi yoxdur,
Oxşarı tək özüdür, bənzər özgəsi yoxdur.
***
Neçə insan üzü var, mənə tək biri məlum,
Yüz sifəti olana üzün hər biri məlum.
Məni tənqid etsəniz, özünüzdən başlayın,
Tənqiddən qabaq olun özünüzdən arxayın.
***
Dünya ilə barışıb, işinə qarışmadım,
İnsanlıqdan küsdüm, onunla barışamadım.
***
Bu dünya ilə işim yox, insanın pisi artır çox,
Əgər düzdürsə insan, onun işi artır daha çox.
***
Nə fitnə gördümsə mən izi insanla bağlı,
Görmədim bircə ürək heyvan əlindən dağlı.
***
Özüm olsam da insan, işim olmadı asan,
Qınamasın heç məni bu günkü kimi insan.
***
Heç olmadı insanla iş rahat gələ başa,
İnsanları sevdikcə işim dirəndi daşa.
***
Yaxşı insan əlindən az qaldım burdan qaçam,
Ya da xəlvət yer gəzdim, doyunca bir ağlayam.
***
Çox varlıqlar yaratdın, ey gözəl Tanrım mənim,
Amma hey azab verdi mənə oxşarım mənim.
***
Bircə onu bilirəm, dünyada var çox insan,
İçində var onların mələklərə oxşayan.
***
Ey məleykə vücudlu, baxma elə göz ucu,
Bilinmir bu dünyanın nə başı, nə bir ucu.
***
Ömr etsəm də dünyada, öz dünyamda yaşadım,
Əgər burda tapmasan, ordadır izim, adım.
***
Salam-kalamı kəssən, bil ki, ömür kəsirsən,
Bir şirin kəlam ilə sən bağ-bağat əkirsən.
***
Ək çoxalsın bağbağat, dostun sayını çoxalt,
Ömür keçir su kimi, sonra olarcaq bevaxt.
***
Bir şirin kəlam ilə ürəklər gələr vəcdə,
Bir acı söz deyəndə min zəhmət dönür heçə.
***
Qəlbi xoşhal eyləmək əgər sənin əlində,
Qoy hamı şəfa tapsın sənin kəlmələrində.
